Bandet Bastard

Frå Wikipedia – det frie oppslagsverket

Bastard er eit rockeband frå Stord. Bandet vart danna i 1992, og har fire medlemer, John Ståle Eldøy på gitar og vokal, Eivind Birkeland på bass, Øyvind Spissøy på trommer og Morten Nesse på gitar.

Forutan å vera rockemusikk, kan musikken til Bastard karakteriserast som rølpemusikk, grunna dei humoristiske tekstane. Stilen liknar det meir kjende Sandnes-bandet Ingenting. Vokalen er på sunnhordlandsdialekt, noko som gjev musikken eit eksotisk preg. Bastard er særs populære i Sunnhordland, men har også spela konsertar andre stader, mellom anna i Bergen.

Bastard har gjeve ut fire album gjennom sitt eige plateselskap Ulv i Fårikål records. Nokre av dei største hitane er «Bein Harald» og «Politikk».

John Ståle Eldøy, Eivind Birkeland og Øyvind spissøy starta Bastard i 1992. Seinare same år fekk dei med seg Tor Inge Hystad. I 1993 gav dei ut det første albumet sitt, og selde 3000 eksemplar.[1] Ståle Eskeland kom inn i bandet i 1995, men gjekk ut av gruppa året etter, det same gjorde Hystad. I 1998 kom gruppa attende med Morten Nesse som ny gitarist. Ettersom bandmedlemane no hadde vorte meir vaksne, fekk gruppa eit meir seriøst preg, og populariteten har auka etter dette.

Utgjevne titlar[endre | endre wikiteksten]

  • Bastard, 1993
  • Seriøst pisspreik, 1995
  • Hånd i hånd, 1999
  • Kan kje, 2008

Kjelder[endre | endre wikiteksten]

Fotnotar