Barking i London

Koordinatar: 51°32′N 0°5′E / 51.533°N 0.083°E / 51.533; 0.083
Frå Wikipedia – det frie oppslagsverket

Barking i London

Barking Abbey med St Margaret's-kyrkja i bakgrunnen
Barking Abbey med St Margaret's-kyrkja i bakgrunnen
Barking Abbey med St Margaret's-kyrkja i bakgrunnen
Plassering
Barking i London is located in
Styresmakter
Land  Storbritannia
Konstituerande land  England
Grevskap Stor-London
Distrikt Barking and Dagenham
Geografi
Koordinatar 51°32′N 0°5′E / 51.533°N 0.083°E / 51.533; 0.083
Diverse annan informasjon
Postnummer IG11
Telefon-retningsnummer 0 20
Commons har multimedium som gjeld: Barking i London

Barking er ein by i Stor-London i England. Han ligg i bydelen Barking and Dagenham, ved elva Roding i den austlege delen av Stor-London. Folketalet i Barking og nabobyen Dagenham var i 2001 til saman 163 944.

Vilhelm Erobraren oppheldt seg noko tid i Barking rett etter erobringa av England i 1066. Han budde i klosteret på staden, Barking Abbey, medan han venta på at Tower of London skulle bli ferdig. Barking Abbey vart grunnlagt i 666 av Erkenwald, som seinare vart biskop av London. Det vart øydelagd av danane omkring 870, og gjenoppbygd omkring eit hundreår seinare av kong Edgar. St. Margarets kyrkje er frå normannisk tid. Kaptein James Cook gifta seg med Elizabeth Batt i denne kyrkja.

Byen oppstod som ein fiskarlandsby. Det er usikkert når dette skjedde, men det var seinast i tudortida. Fiskarane forsynte marknadane i London, og ein del fiska så langt unna som Island. Sam Hewitt (fødd 1802) dreiv Short Blue Fleet, som var den største fiskarflåten i England på den tida, frå Barking.

Ved munningen av Roding, i Barking Creek, ligg eit stort kloakkreinseverk som tar imot kloakken frå ein stor del av London.

Fengselsreformatoren Elizabeth Fry er gravlagd på kvekarkyrkjegarden i Barking.

Kommunikasjon[endre | endre wikiteksten]

Barking stasjon tener både jernbanen og London Underground.

Kjelder[endre | endre wikiteksten]