Batroun
| Batroun | |||
| البترون | |||
| by | |||
 Gate i Batroun
| |||
| Land |  Libanon
| ||
|---|---|---|---|
| Guvernement | Nord guvernement | ||
| Distrikt | Batroun distrikt | ||
| Koordinatar | 34°15′N 35°39′E / 34.250°N 35.650°E | ||
| Areal | 4,68 km² | ||
| Folketal | 45 000 | ||
| Tidssone | EET (UTC+2) | ||
| Retningsnummer | +961 (6) | ||
 Batroun 34°15′17″N 35°39′32″E / 34.2548436°N 35.6589586°E | |||
  | |||
| Wikimedia Commons: Batroun | |||
Batroun (gresk Βοτρύς, Botrys; arabisk البترون, al-Batrun; arameisk בתרון, Bitron) er ein kystby nord i Libanon og ein av dei eldste byane i verda. Han er administrasjonssenter i Batroun distrikt.
Etymologi[endre | endre wikiteksten]
Namnet Batroun kjem frå gresk, Botrys. Historikarar trur at det greske namnet kjem frå det fønikiske ordet bater, som tyder «å skjere» og kan syne til moloen som fønikarane bygde i sjøen for å verne seg mot tidvassbølgjer. Andre historikarar trur at namnet på byen kjem frå det fønikiske beit truna, som tyder «huset til høvdingen».
Turisme[endre | endre wikiteksten]
Batroun er eit viktig turistmål i Nord-Libanon. Byen har titals historiske kyrkjer, både katolske og gresk-ortodokse. Byen er òg ein badeby med eit yrande natteliv. Sitruslundar ligg kring Batroun, og byen har vore kjend frå tidleg på 1900-talet for den ferske limonaden, som vert seld på dei fleste kafear og restaurantar i hovudgata.
Demografi[endre | endre wikiteksten]
Innbyggjarane i Batroun er libanesiske og er maronittisk-katolske, gresk-katolske og gresk-ortodokse. Batroun er eit romersk-katolsk (latinsk ritus) bispesete[1][2][3]
Historie[endre | endre wikiteksten]
Batroun er truleg den «Batruna» som er nemnt i Amarnabreva på 1300-talet fvt. Batroun vart nemnt av dei gamle greske geografane Strabon, Plinius, Ptolemaios, Stefanos Byzantius og Hierokles. Theofanes kalla byen «Bostrys».[4]
Fønikarane grunnla Batroun på sørsida av eit nes som i antikken vart kalla Theoprosopon og under Austromarriket, Lithoprosopon. Batroun er sagt å ha blitt grunnlagd av Ithobaal I (Ethbaal), kongen av Tyr, og dottera hans Jezabel (897-866 fvt.) gifta seg med Ahab.[5]
Byen kom under romersk styre som ein del av provinsen Fønikia Prima, og seinare, etter regionen vart kristna, vart han eit underbispedøme av patriarkatet i Antiokia.
I 551 vart Batroun øydelagd av eit jordskjelv, som førte til jordras og sprekker i Lithoprosopon.[6] Historikarar trur at den store naturlege hamna i Batroun vart danna under jordskjelvet.[7]
Tre gresk-ortodokse biskopar er kjende for å ha kome frå Batroun: Porphyrius i 451, Elias kring 512 og Stefan i 553 (Lequien, II, 827). I følgje ein gresk Notitia episcopatuum, skal det gresk-ortodokse bispesetet ha eksistert i Batroun sidan 900-talet, då byen vart kalla Petrounion'. Etter den muslimske erobringa av regionen vart namnet arabisert til Batroun.
Ein av dei arkeologiske funna i Batroun frå mellomalderen er krossfarar-festninga Mousaylaha som vart bygd på ei isolert, massiv klippe med bratte sider på ei slette omgjeve av fjell.[8]
Under osmansk styre vart Batroun senteret i ein caza i Libanon mutessariflik og setet for eit maronittisk bispedøme, som var underlagt Det maronittiske patriarkatet. Sidan 1999 har han vore setet for eit maronittisk eparki.[9]
Kjelder[endre | endre wikiteksten]
- Denne artikkelen bygger på «Batroun» frå Wikipedia på engelsk, den 17. september 2014.
- Wikipedia på engelsk oppgav desse kjeldene:
- ↑ «Catholic Encyclopedia: Bothrys». Newadvent.org. Henta 15. september 2014.
- ↑ David M. Cheney. «Botrys (Titular See)». [Catholic-Hierarchy]. Henta 15. september 2014.
- ↑ David M. Cheney (24. oktober 2012). «Its Bishops and Dioceses, Current and Past». Catholic-Hierarchy. Henta 15. september 2014.
- ↑ Malalas, Chronogr., XVIII, in P.G., XCVII, 543, cited in Bothrys - Catholic Encyclopedia article
- ↑ (Menander, i Josephus, Ant VIII, xiii, 2), sitert i Bothrys - Catholic Encyclopedia-artikkel
- ↑ Malalas, Chronogr., XVIII, in P.G., XCVII, 704 , cited in Bothrys - Catholic Encyclopedia article
- ↑ «The historical earthquakes of Syria: an analysis of large and moderate earthquakes from 1365 B.C. to 1900 A.D.» (PDF). Earth-prints.org. Henta 15. september 2014.
- ↑ Batroun.com - Batroun Official Website
- ↑ Eparchy of Batrun (Maronite) - from catholic-hierarchy.org