Beinta í Jákupsstovu

Frå Wikipedia – det frie oppslagsverket
Beinta í Jákupsstovu
Fødd27. desember 1951
Sørvágur
NasjonalitetFærøyane
Yrkeskribent, statsvitar
Alma materUniversitetet i Bergen

Beinta í Jákupsstovu (fødd 27. desember 1951 i Sørvágur) er ein færøysk statsvitar. Ho er professor i samfunnsvitskap ved Høgskulen i Molde og professor II ved Fróðskaparsetur Føroya i Tórshavn.

Ho gjekk gymnaset i Tórshavn og studerte deretter sosiologi ved Københavns Universitet og geografi ved Universitetet i Bergen. Ho har graden cand.polit. i offentleg administrasjon og organisasjonskunnskap frå Universitetet i Bergen frå 1982 og dr.polit. frå same universitet frå 2003. Ho har budd det meste av det vaksne livet sitt i Noreg.[1]

Etter ein del år innan undervising og administrasjon vart Jákupsstovu tilsett som høgskulelektor (seinare førsteamanuensis) i statsvitskap ved Høgskulen i Molde i 1995.[1] Ho fekk opprykk til professor i 2018.[2]

Beinta í Jákupsstovu har publisert ei rekkje vitskaplege arbeid om norske og færøyske tilhøve.[1]

Ho er dotter av fagforeiningsmannen Jákup í Jákupsstovu og Edith Lamhauge. Marinbiologen og den tidlegare direktøren ved havforskingsinstituttet på Færøyane, Hjalti í Jákupsstovu, er bror hennar.[1] Ho er mor til sosiolingvisten Edit Bugge.

Bibliografi[endre | endre wikiteksten]

(utval)

  • Kunnskap og makt. Færøysk helsepolitikk gjennom 150 år. Fróðskapur (Faroe University Press) 2006.
  • Erfaringer fra kvindelisterne i færøsk politikk. Saman med Bjørg Jacobsen. Í NIKKmagasin nr 1-2006.
  • Et kjønnsperspektiv på færøysk helse- og sosialpolitisk utvikling, i A.Mortensen (red.): Fólkaleikur. Fróðskaparfelagið 2005.
  • Changes in the Faroese Welfare System, í Westman, Liisa (red.): Women leave, men remain – Issues of Welfare, Gender and Labour market. North Karelia Polytechnic, Joensuu 2005
  • Kvinner ingen adgang? Rekruttering av kvinner til bystyret i Tórshavn 1972-1992. Norsk Statsvitenskapelig Tidsskrift 1/96.
  • Heimestyreordninga og sosialpolitikk på Færøyane. Hovedfagsoppgåve i offentlig administrasjon og organisasjonskunnskap, Universitetet i Bergen, 1982.

Kjelder[endre | endre wikiteksten]

  1. 1,0 1,1 1,2 1,3 «Limir» (på færøysk). Rithøvundafelag Føroya. Arkivert frå originalen 31. oktober 2020. Henta 12. oktober 2020. 
  2. Waagbø, Arild Johan (9. mai 2018). «Her er høgskolens nye professorer – og én dosent!». Høgskolen i Molde. Henta 12. oktober 2020. 

Bakgrunnsstoff[endre | endre wikiteksten]