Beit Hanina

Frå Wikipedia – det frie oppslagsverket
Hopp til navigering Hopp til søk
Koordinatar: 31°49′50″N 35°12′58″E
Beit Hanina
بيت حنينا
kommune
BeitHanina9861.JPG
Beit Hanina al-Balad (center)
Beit Hanina al-Jadid (top)
Namneopphav: Haninahuset[1]
Land Flag of Palestine.svg Dei palestinske territoria
Guvernement Jerusalem guvernement
Koordinatar 31°49′50″N 35°12′58″E
Areal 16,3 km²
Folketal 27 833 (2007)
Folketettleik 1 708 / km²
Palestine location map wide.png
Locator Red.svg
Wikimedia Commons: Beit Hanina

Beit Hanina (arabisk بيت حنينا, hebraisk skrift בית חנינא) er ein palestinsk bydel i Aust-Jerusalem. Han ligg langs vegen til Ramallah, åtte kilometer nord for sentrum av Jerusalem, i ei høgd på 780 meter over havet.[2] Beit Hanina grensa til Hizma i aust, Shuafat i sør, Beit Iksa og Nabi Samwil i vest, og Bir Nabala, al-Jib, Kafr Aqab og ar-Ram i nord.

Beit Hanina er delt av Israel si sperring på Vestbreidda i Al-Jadida (den nye landsbyen), som ligg i den israelske Jerusalem kommune og omfattar det meste av de utbygde området, og Al-Balad (den gamle landsbyen), som ligg utafor kommunen.[3]

I 2007 hadde Beit Hanina eit folketal på over 27 000, med 26 762 innbyggjarar i den nye landsbyen og 1 072 i den gamle.[4]

Historie[endre | endre wikiteksten]

Beit Hanina kan vere datert attende til kanaanittisk tid. I følgje den franske reisande Victor Guérin, var Beit Hanina den bibelske Ananiah som høyrte til Benjaminstammen. Edward Robinson var samd, medan W.F. Albright meinte at Ananiah er landsbyen al-Eizariya i Aust-Jerusalem.[5]

Fredagsmoskeen i Beit Hanina, Sultan Ibrahim Ibn Adham-moskeen, er tileigna Ibrahim ibn Adham.

Landsbyen vart ein del av Det osmanske riket i 1517 i lag med resten av Palestina, og i 1596 stod Beit Hanina oppført i osmanske skattelister som ein del av Quds nahiya i Quds liwa. Han hadde eit folketal på 28 muslimske hushaldningar.[6]

Guérin, som vitja staden i 1863, estimerte at landsbyen hadde 300 innbyggjarar.

I 1883 skildra Palestine Exploration Fund i Survey of Western Palestine staden som «ein mellomstor landsby, med steinhus, i særs steinete lende på ein rygg mellom to dalar. Han er omgjeve av oliven, og har ei kjelde i vest. Det veks òg vinrankar nær landsbyen.»[7]

I ei folketeljing i 1922 utført av Dei britiske mandatstyresmaktene hadde «Bait Hanina" eit folketal på 996, alle muslimar,[8] og dette auka i folketeljinga i 1931 til eit folketal på 1226, framleis alle muslimar, i 317 hus.[9] I 1945 hadde Bein Hanina eit folketal på 1 590, alle arabarar, med 14 948 mål land, i følgje ei offisiell landmåling.[10] Av dette var 3 072 mål var plantasjar og irrigert land, 4 304 nytta for korn,[11] medan 219 mål vart utbygd land.[12]

Under den arabisk-israelske krigen i 1948 vart Beit Hanina erobra av jordanske styrkar, i lag med resten av Vestbreidda og vart ein del av Jordan fram til 1967. Under jordansk styre vart det bygd nye vegar og skular.

Etter seksdagarskrigen i 1967 okkuperte israelarar Vestbreidda, i lag med Beit Hanina, og kommunegrensa til Jerusalem vart flytta heilt til den austlege delen av Beit Hanina, i dag kalla Beit Hanina al-Jadid.

Etter den andre Intifada byrja Israel å byggje Israel si sperring på Vestbreidda, som skilde Jerusalem-delen av Beit Hanina frå Vestbreidda. Området har stundom vore åstad for samanstøytar mellom israelske tryggleiksstyrrkar og palestinske militante.

Kjelder[endre | endre wikiteksten]

  1. Palmer, 1881, s. 286
  2. Jerusalem neighborhoods
  3. High Court approves Bir Nabalah enklave. B'Tselem, 26. november 2006
  4. «Table 26: Stader på Vestbreidda by Selected Indicators, 2007», 2007 Census (PDF), Palestinsk statistisk sentralbyrå, s. 116 
  5. About Beit Hanina Offisiell nettstad Beit Hanina Community Sentral; Mohamed Shaker Sifadden
  6. Hütteroth and Abdulfattah, 1977, s. 120
  7. Conder og Kitchener, 1883, s. 8
  8. Barron, 1923, Table VII, Subdistrict of Jerusalem, s. 14
  9. Mills, 1932, s. 38
  10. Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 56
  11. Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 101
  12. Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 151

Bakgrunnsstoff[endre | endre wikiteksten]

Mal:Bydelar i Jerusalem