Benjamin Baillaud

Frå Wikipedia – det frie oppslagsverket
Hopp til navigering Hopp til søk
Benjamin Baillaud
Benjamin baillaud.jpg
Fødd14. februar 1848
Chalon-sur-Saône
Død8. juli 1934 (86 år)
Paris
NasjonalitetFrankrike
Yrkeastronom, meteorolog
InstitusjonarObservatoire de Toulouse
University of Toulouse (1896-1969)
Alma materFaculté des sciences de Paris
École normale supérieure
BarnÉmile Baillaud, Jules Baillaud, René Baillaud
MedlemDet franske vitskapsakademiet
Vitskapsakademiet i St. Petersburg
Det sovjetiske vitskapsakademiet
Kungliga Vetenskapsakademien
Det russiske vitskapsakademiet

Édouard Benjamin Baillaud (14. februar 18488. juli 1934) var ein fransk astronom.

Frå 1869 var Baillaud lærar ved fleire lærestader i Paris. Frå 1874 var han assistent ved observatoriet i byen. I 1878 blei han professor og direktør for observatoriet i Toulouse, og i 1908 blei han direktør for observatoriet i Paris.

Baillaud var president for Société astronomique de France (SAF), det franske astronomilaget, frå 1909 til 1911.[1] Han var aktivt med i arbeidet med å sameinast om ei universell tid, og var med på å skipa det internasjonale tidsbyrået (Bureau International de l'Heure).[2] Baillaud blei den første presidenten for Den internasjonale astronomiske unionen då denne blei skipa i 1919.[3] Han sat i stillinga til 1922. I 1926 gjekk han av som direktør for observatoriet i Paris.

Arbeida hans tek hovudsakleg for seg teorien om rørslene til planetane og kometane og andre emne innan teoretisk astronomi. Benjamin Baillaud gav ut Cours d'astronomie i to band, 1893–1896. Han blei medlem av det svenske Vetenskapsakademien i 1919 og vann Bruce-medaljen i 1923.[2]

Kjelder[endre | endre wikiteksten]

  1. Bulletin de la Société astronomique de France, 1911, bd. 25, s. 581-586
  2. 2,0 2,1 «Comprendre - Histoire de l'observatoire de Paris - Charles-Eugènes Delaunay», promenade.imcce.fr, henta 7. januar 2020 
  3. Blaauw, Adriaan (1994). History of the IAU : the birth and first half-century of the International Astronomical Union. Dordrecht: Kluwer Academic Publishers. ISBN 0-7923-2979-1.