Benjamin Hermansen

Benjamin Hermansen

Benjamin Hermansen (29. mai 1985–26. januar 2001) var ein gut som vart stukken ned med kniv og drepen på Holmlia i Oslo, like før midnatt fredag 26. januar 2001, av personar frå den nynazistiske grupperinga BootBoys. Joe Erling Jahr, Ole Nicolai Kvisler og Veronica Andreassen vart dømde til høvesvis 18, 17 og 3 års fengsel for drapet.

Ettersom drapet var rasistisk motivert, mobiliserte store delar av Noreg seg. Over heile landet vart det arrangert fakkeltog for å vise avsky mot drapet. I Oslo deltok omtrent 40 000 menneskje i markeringa.

I 2002 vart det oppretta ein eigen pris til minne om Hermansen; Benjaminprisen. Han vert delt ut 27. januar kvart år.

Hermansen vart gravlagd 6. februar 2001. Songen «Song to Benjamin» vart då framført. Songen vart seinare spelt inn i studio med kjende artistar som Nora Noor og Briskeby.