Bent Blehr

Frå Wikipedia – det frie oppslagsverket
Hopp til navigering Hopp til søk
Bent Blehr
Fødd 3. januar 1770
Død

11. november 1828

Yrke politikar, reiar, forretningsdrivande, trelasthandlar

Bent Blehr (3. januar 177011. november 1828) var ein norsk kjøpmann, skipsreiar og stortingsmann frå Bamble i Telemark.

Blehr var fødd på storgarden Kjellestad ved Stathelle, som han i si tid overtok etter far sin. Han fekk i 1798 borgarbrev i Brevik og dreiv omfattande verksemd som skipsreiar, verfts- og sagbrukseigar, samt trelasthandlar. I 1801 fekk han «kongebrev» med eksklusive rettar til å transportere folk med båt mellom Brevik og Stathelle, til å syrgje for hesteskyss mellom Stathelle og Langesund, og til å halde gjestgjeveri ved Stathelle.

Blehr var i 1818 1. representant for Bratsbergs amtStortinget. Han var medlem av elleve komitéar, der i mellom sekretær i komiteen om kapra skip, medlem av komiteen om pakkefart til Jylland, om sagbruksprivilegiar og fleire komitear kring pengestellet.

Blehr budde heile livet på Kjellestad, døydde der i 1828.

Kjelder[endre | endre wikiteksten]