Bent Tomtum

Frå Wikipedia – det frie oppslagsverket
Hopp til navigering Hopp til søk
Bent Tomtum
Fødd 6. februar 1949
Gjøvik
Død

15. oktober 2001
Gjøvik

Yrke skihoppar

Bent Tomtum (6. februar 194915. oktober 2001) var ein norsk skihoppar frå Vardal i Oppland. Han enda på femteplass i storbakkerennet under Vinter-OL 1968 i Grenoble. Tomtums beste plassering i internasjonal tevlingar var 2. plassar i Holmenkollen og i Falun 1967, samt i normalbakken i Oberstdorf romjula 1970. Han var nærast siger i Oberstdorf, hamna 1,7 poeng bak vinnaren Ingolf Mork. I den tysk-austerrikske hoppveka 1967/68 kapra Tomtum fjerdeplassen samanlagt, landsmannen Bjørn Wirkola vann. To gonger vart Tomtum noregsmeister i skihopping, 1967 og 1969. Begge gongene vann han rennet i normalbakken.

Besteplasseringar i internasjonale meisterskap og renn[endre | endre wikiteksten]

  • 1967: Nr 2 både i Holmenkollen og Lahti
  • 1968: 5. plass i OL i Grenoble 1968. Nr 4 i hoppveka totalt og i nyttårshopprennet i Garmisch-Partenkirchen særskilt
  • 1969: Nr 5 i Lahti
  • 1970: Nr 11 i Oberstdorf
  • 1970/71: Nr 2 i Oberstdorf

Medaljar og besteplasseringar i noregsmeisterskap[endre | endre wikiteksten]

  • 1967: Gullmedalje i normalbakken i Mo i Rana, sølvmedalje i storbakken på Voss
  • 1968. Nr 5 i normalbakken i Ørskog
  • 1969: Gullmedalje i normalbakken på Raufoss
  • 1970: Nr 9 både i normalbakken i Trondheim og storbakken i Meldal
  • 1971: Nr 8 i storbakken i Bærum
  • 1972: Nr 6 i normalbakken i Trondheim
  • 1973: Bronsemedalje i normalbakken på Vang
  • 1976: Nr 9 i normalbakken på Fåvang