Berezanøya
| Berezan Березань | |||
| øy | |||
 Berezanøya
| |||
| Land |  Ukraina
| ||
|---|---|---|---|
| Oblast | Mykolaiv oblast | ||
| Rajon | Otsjakiv rajon | ||
| Stad | Svartehavet | ||
| Lengd | 0,9 km | ||
| Areal | 0,29 km² | ||
| Folketal | 0 | ||
 Berezanøya | |||
| Wikimedia Commons: Berezan Island | |||
Berezan (ukrainsk: Березань; gammalgresk Borysthenes; tidlegare tyrkisk Pirezin) er ei øy i Svartehavet ved inngangen til Dnepr-Bugestuaret i Otsjakiv rajon i Mykolaiv oblast i Ukraina. Øya er kring 900 meter lang og 320 meter brei. Ho er skild frå fastlandet av ei 2 km breitt sund.
Berezan var ein av dei tidlegaste greske koloniane i det nordlege Svartehavet. Øya vart først busett kring midten av 600-talet fvt. I mellomalderen var øya særs strategisk viktig sidan ein kan kontrollere munningen av Dnepr. I perioden under Kievriket var det ein viktig handelsstasjon her og det var her væringane først kom i kontakt med grekarane. Øya er kjend for runesteinen kalla Berezansteinen. Kievriket og Austromarriket kjempa om kontrollen over estuaret.
Zaporosje-kosakkar fornya fortet på Berezan under striden deira mot krimtatarane og Det osmanske riket på 1500- og 1600-talet. Etter at nærliggande Otsjakov fall til russarane vart øya i lag med resten av Ny-Russland innlemma i Det russiske imperiet.
Den greske kolonien og den tilhøyrande nekropolisen har periodevis vorte grave ut sidan 1800-talet.
Kjelder[endre | endre wikiteksten]
- Denne artikkelen bygger på «Berezan Island» frå Wikipedia på engelsk, den 6. september 2012.
- Wikipedia på engelsk oppgav desse kjeldene: