Bergtrupial

Bergtrupial
Bergtrupial
Utbreiing og status
Status i verda: Sterkt truga Utbreiinga av Bergtrupial
Systematikk
Underrekkje:	Virveldyr Vertebrata
Klasse:	Fuglar Aves
Underklasse:	Neognathae
Overorden:	Neoaves
Orden:	Sporvefuglar Passeriformes
Familie:	Trupialfamilien Icteridae
Slekt:	Macroagelaius
Art:	Bergtrupial M. subalaris
Vitskapleg namn
Macroagelaius subalaris Boissonneau, 1840

Bergtrupial (Macroagelaius subalaris) er ein fugl i trupialfamilien. Han er endemisk for Santander-departementet i Colombia.

Skildring

Dette er ein relativt stor trupial, kroppslengd ca. 29 centimeter inkludert ein lang hale. Hannfuglar er litt større enn hofuglar. Fjørdrakta er heilsvart med blåglans, men dei har ein lite synleg kastanjefarga flekk i «armhola». Nebbet er konisk. Lætet er varierande, mellom anna ein høgfrekvent, ringelyd 'tirititiuu, tirititiuu, tirititiuu'.

Han lever i vestskråninga av den austlege fjellkjeda av Andes, i høgder mellom 1900 og 3100 moh. Utbreiingsområdet er lite, ca. 640 km2, og ligg mellom Bucaramanga og sørover til vel 100 km i luftlinje sør for Bucaramanga i Santander-departementet. Han har tidlegare òg vore registrert sør for Bogotá. Bergtrupialar føretrekk habitat med fuktig, alpin skog, helst eik med epifyttar.

Populasjonen er estimert til å ligge i området 1000-2500 individ og minkande. Arten er klassifisert som sterkt truga. Trugsmåla inkluderer avskoging og mangel på passande biotop.

Kjelder

• Fraga, R. (2011). Mountain Grackle (Macroagelaius subalaris) In: del Hoyo, J., Elliott, A., Sargatal, J., Christie, D.A. & de Juana, E. (eds.) (2015). Handbook of the Birds of the World Alive. Lynx Edicions, Barcelona. Henta den 8. november 2015
• BirdLife International (2015) Species factsheet: Macroagelaius subalaris. Henta frå http://www.birdlife.org den 8. november 2015

Referansar

Bakgrunnsstoff

Wikimedia Commons har multimedia som gjeld: Bergtrupial

• Bilete på Flickr.com Henta 8. november 2015