Bernt Brendemoen

Frå Wikipedia – det frie oppslagsverket
Hopp til navigering Hopp til søk
Bernt Brendemoen
Fødd10. januar 1949
NasjonalitetNoreg
Yrkefilolog, omsetjar
InstitusjonarUniversitetet i Oslo

Bernt Brendemoen (fødd 10. januar 1949) er ein norsk turkolog og professor ved Universitetet i Oslo.

Brendemoen tok mellomfag i gresk og latin ved universitetet i Oslo, før han studerte tyrkisk ved universitetet i Istanbul og i Oslo. Han tok magistergraden i tyrkisk språkvitskap i 1977, og var deretter stipendiat ved universitetet i Oslo, før han vart utnemnd til amanuensis i 1982. Han var førsteamanuensis frå 1989 og vart dr. philos. i 2001 på ei avhandling om tyrkiske dialektar. Frå 2002 har han vore professor i turkologi.

Brendemoens interessefelt er tyrkisk språk, språkhistorie, dialektar og litteratur, og dessutan aserbajdsjansk. I 1980 utgav han ei tyrkisk-norsk ordbok saman med Yasar Tanrikut, og i 1998 ei norsk-tyrkisk ordbok saman med Sinan Çorbacioǧlu. Han har dessutan omsett fleire bøker av den tyrkiske forfattaren Orhan Pamuk.

Bibliografi[endre | endre wikiteksten]

  • The Turkish Dialects of Trabzon. Oslo: Unipub, 2001.
Omsetjingar

Kjelder[endre | endre wikiteksten]

Bakgrunnsstoff[endre | endre wikiteksten]