Bert Ruiter

Frå Wikipedia – det frie oppslagsverket
Hopp til navigering Hopp til søk
Bert Ruiter
Focus - TopPop 1974 6.png
Focus (1974); Bert Ruiter er andre frå venstre
Fødd26. november 1946 (73 år)
FødestadAmsterdam
OpphavKongeriket Nederlanda
Instrumentbassgitar, gitar
Verka sommusikkprodusent, gitarist, komponist

Bert Ruiter (fødd 26. november 1946) er ein nederlandsk bassist, plateprodusent og komponist.

Albertus Clemens Ruiter var fødd i Amsterdam og vokste opp i Hilversum. Då han var tolv byrja han å spele gitar og byta seinare til bassgitar. I 1966 byrja han karrieren sin då han erstatta Dick Ankersmit som bassist for The Caps, med songaren Hans van Hemert og gitaristen Roy Beltman. Seinare spelte han i gruppene Fullhouse and the Jay-Jays.

I september 1971 erstatta han Cyril Havermans som bassisten i Focus.[1] Han vart verande med Focus til gruppa vart oppløyst i 1978. Han vart så med i Earth and Fire med Jerney Kaagman som vokalist. Dei to forlet seinare Earth and Fire, og Ruiter arbeidde med Kaagman på soloalbuma hennar og tok gradvis over rolla som produsent og arangør. I 1999 vart Ruiter med Thijs van Leer att og trommeslagaren Hans Cleuver og gitaristen Menno Gootjes, i ei ny utgåve av Focus, men intern krangling førte til at gruppa vart oppløyst på ny etter berre få konsertar i Nederland.

Kjelder[endre | endre wikiteksten]

  1. Ankeny, Jason. «Biography: Focus». Allmusic. Henta 5. desember 2019.