Betzy Akersloot-Berg

Frå Wikipedia – det frie oppslagsverket
Hopp til navigering Hopp til søk
Betzy Akersloot-Berg
Betzy Rezora Berg (1850-1922).jpg
Betzy Akersloot-Berg måla av Sina Mesdag-van Houten
Fødenamn Betzy Rezora Berg
Fødd 16. desember 1850
Aurskog
Død

18. desember 1922 (72 år)
Vlieland

Nasjonalitet Norsk-nederlandsk
Yrke kunstmålar

Betzy Akersloot-Berg (fødd 16. desember 1850 i Aurskog, daud 18. desember 1922 i Nederland),[1] opphavleg Betzy Rezora Berg, var ein norsk målar som budde i Nederland store delar av livet.

Familie og oppvekst[endre | endre wikiteksten]

Betzy Rezora Berg var dotter av Caspar Berg (1828–1914) og Bærtha Nordbye (1829–1912), og fødd i Aurskog i Akershus. Caspar Berg var bondeson, og Bærtha Nordby var dotter av ein av dei største jord- og skogeigarane i bygda. Akersloot-Berg vaks opp i Aurskog og vart konfirmert der, men då far hennar tok til med handel flytta dei til Christiania.[1][2]

Sjukepleier og misjonær[endre | endre wikiteksten]

Akersloot-Berg utdanna seg først til sjukepleier, sannsynlegvis på Diakonissehuset i Christiania. Deretter dro ho til Finnmark, der ho arbeidde som sjukepleiar og misjonær blant samane i fleire år. Ho var i alle fall på «Fiskarheim» i Gjesvær på Magerøya.[2]

Kunstnar[endre | endre wikiteksten]

Då ho vende tilbake til Christiania byrja ho å ta undervising ved Den kgl. Tegneskole og fekk opplæring av arkitekt Wilhelm von Hanno. Ho kopierte under Peder Cappelen Thurmann, fekk ein kort periode opplæring hos Frits Thaulow fram til ho fekk plass som elev hos Otto Sinding. I stor grad målte ho i tillegg på eiga hand, direkte etter naturen.

Då Sinding flytta til München følgde ho etter og heldt fram å måla hos han. Under ei studieferd til Wien fekk ho sjå bilete av marinemalaren Hendrik Willem Mesdag, ein nederlandsk malar og tilfeldigvis møtte ho også han og familien hans i 1885. Møtet førte til at ho flytta til Nederland og måla hos han.

I 1893 giftet ho seg med visekonsul Gooswenius Gerardus Akersloot og tre år seinare kjøpte ekteparet «Tromp's Huys» på øya Vlieland der dei vart buande resten av livet. Huset er i dag museum og stiller ut måleri av Akersloot-Berg.[1]

I mange år reiste Akersloot-Berg og ektefellen hennar til Noreg ein gong i året der ho målte langs heile kysten. Ho skildra havet i all slags vêr.[1]

Galleri og museum[endre | endre wikiteksten]

I tillegg til på Museum Tromp's Huys, som er oppretta i Betzy Akersloot-Berg sitt og bustaden til ektemannen på Vlieland, finst kunsten hennes i fleire samlingar; ved Nasjonalgalleriet i Oslo, Stavanger faste galleri, Nordnorsk Kunstmuseum i Tromsø, Nasjonalmuséet i Stockholm, Helge Væringsaasens samling på Glomdalsmuseet i Elverum, og i Frans Hals Museum i Haarlem.[1][3][4][5]

Bøker[endre | endre wikiteksten]

Betzy Akersloot-Berg er omtalt i Anne Wichstrøm si bok Kvinneliv, kunstnerliv : kvinnelege malarar i Noreg før 1900. Ved UiT har det komme ei hovudoppgåve og ei mastergradsavhandling om henne. I 1997 skreiv Brit Bell hovudoppgåva Betzy Rezora Akersloot-Berg (1850-1922) : kvinne og kunstner, og i 2010 skreiv Trix Scherjon mastergradsavhandlinga Marinemaler Betzy Akersloot-Berg med fotfeste i Norge og Nederland. Marinemaleriet i skjæringspunktet av romantikk og realisme fra 1880- til tidlig 1900-tallet.

Biletgalleri[endre | endre wikiteksten]

Referansar[endre | endre wikiteksten]

  1. 1,0 1,1 1,2 1,3 1,4 Betzy Akersloot-Berg i Norsk kunstnerleksikon
  2. 2,0 2,1 Betzy Akersloot-Berg frå den norske ambassaden i Haag
  3. Joomla!. «Museum Tromp's Huys». www.trompshuys.nl. Henta 1. mars 2017. 
  4. «Elverum kommunes kunstsamling - Glomdalsmuseet». glomdalsmuseet.no (norsk). Henta 1. mars 2017. 
  5. «Katalognr. 11: Berg, Betzy Rezora. F. Urskog, 16. desember 1850. Marinemalerinne. "Seilbåter til havs"». Elverum kunstgalleri: Helge Væringsaasens samlinger. Elverum: Elverum kunstgalleri. 1957.