Bill Bottrell

Frå Wikipedia – det frie oppslagsverket
Bill Bottrell
Fødd1952 (alder 71–72)
OpphavUSA
Aktiv1974–
Verka somPlateprodusent, låtskrivar, musikar

William A. «Bill» Bottrell (f. 1952) er ein amerikansk plateprodusent, låtskrivar og musikar, kanskje mest kjend for samarbeida sine med Michael Jackson, Madonna, Electric Light Orchestra og Sheryl Crow.

Han vart kjend med Jeff Lynne seint i 1970-åra, og vart etter kvart lydteknikar for bandet hans, ELO tidleg i 1980-åra. I 1980-åra arbeidde han med The Jacksons, ELO, Michael Jackson, Madonna, George Harrison, Starship og Tom Petty som lydteknikar. I 1988 var Bottrell medprodusent på det første albumet sitt, Aliens Ate My Buick av Thomas Dolby. I 1989 var han medprodusent og lydteknikar for Michael Jackson på albumet Dangerous, og var medlåtskrivar på den største hitten frå albumet, «Black or White». Songen låg sju veker på toppen av den amerikanske singellista hausten 1991.

Bottrell fekk bygd sitt eige platestudio kalla Tuesday Night Music Club. Ein av artistane han produserte der var Sheryl Crow, som kalla debutalbumet sitt nettopp Tuesday Night Music Club i 1983. Singelen hennar «All I Wanna Do» frå dette albumet, som vann Grammy-prisen for årets innspeling i 1995, var skriven av Bottrell og Crow. Albumet vann tre Grammy-prisar til og selde 10 millionar eksemplar verda over.

Bottrell vart òg nominert til ein Grammy for arbeidet på gjennombrotsalbumet til Shelby Lynne i 1999, I Am Shelby Lynne.

Han har òg arbeidd med mange andre artistar, som David Baerwald, Alisha's Attic, Five for Fighting, Rosanne Cash, Lisa Germano, Kevin Gilbert, Jasun Martz, Tom Petty, Rusted Root, Ben Jelen, Toy Matinee og Annie Stela.

Diskografi[endre | endre wikiteksten]

Kjelder[endre | endre wikiteksten]

  1. Hagan, Joe (July–August 2009). «The Ballad of Benji Hughes». The Believer Magazine. Henta 17. februar 2015. «“It’s a bit of a sore subject with me,” he writes in an email. “For something so sincere, authentic, gorgeous, and pure to emerge during those desperate times was miraculous, and one of my most perfect works as a longtime plateprodusent has never seen the light of day.”» 

Bakgrunnsstoff[endre | endre wikiteksten]