Bill Koch

Frå Wikipedia – det frie oppslagsverket
Hopp til navigering Hopp til søk
Bill Koch
Bill Koch Innsbruck 1976 PA-0797 U 8816 II 008 (cropped).jpg
Fødd 7. juni 1955
Brattleboro
Yrke langrennsløpar
Bill Koch på Commons

Bill Koch, fullt namn Willam Conrad Koch, (fødd 7. juni 1955) er ein USA-amerikansk tidlegare langrennsløpar som vann verdscupen i langrenn 1982, og tok OL-sølv på 30 km i 1976 og VM-bronse på same distansen i 1982. Koch vert hugsa som utøvaren som tok i bruk einfots-skøyting. Han er frå Brattleboro i delstaten Vermont.

Aktiv[endre | endre wikiteksten]

Koch endra langrenn som idrett då han viste at einfots-skøyting lønte seg under visse tilhøve. Under Vinter-OL 1976 overraska han stort då han vann sølvmedaljen på opningsdistansen 30 km langrenn under vinterleikane i Seefeld, og sidan vart sjettemann på 15 km.

Dei neste åra nådde Koch heller sjeldan opp mot toppen av resultatlistene. Gjennom 1982-sesongen vann han derimot fire av dei ti renna i verdscupen, noko som gav han sigeren i verdscupen i langrenn 1982. Dessutan sikra han seg bronsemedaljen på 30 km under Ski-VM i Oslo. Også i 1983-sesongen prega Koch verdscuptevlingane med andreplass i Reit im Winkl, siger på tremila under prøve-OL i Sarajevo og ein tredjeplass i Anchorage, og dermed enda som tredjemann i verdscupen 1983.

Medaljar og besteplasseringar i internasjonale meisterskap og renn[endre | endre wikiteksten]

  • 1976: Sølvmedalje på 30 km og nr 6 på 15 km i Vinter-OL 1976 i Innsbruck
  • 1978: Nr 7 på 15 km i Telemark i Wisconsin
  • 1979: Nr 6 på 15 km i Telemark og Holmenkollen
  • 1980: Nr 2 på 15 km i Reit im Winkl
  • 1981: Nr 8 på 30 km i Falun
  • 1982: Vinnar av verdscuprenn i Le Brassus, Aosta, Falun og Castelrotto
  • 1983: Vinnar av 30 km i Sarajevo
  • 1984: Nr 17 på femmila under Vinter-OL i Sarajevo

Kjelder[endre | endre wikiteksten]

  • Sportsboken, aktuelle årgangar