Bjørn Trumpy

Frå Wikipedia – det frie oppslagsverket
Hopp til navigering Hopp til søk
Bjørn Trumpy
BjornTrumpy CopenhagenJuly1963.jpg
Fødd6. juli 1900
Bergen
Død8. juni 1974
NasjonalitetNoreg
Yrkefysikar, professor
InstitusjonarUniversitetet i Bergen

Bjørn Trumpy (fødd 6. juli 1900 i Bergen, død 8. juni 1974)[1] var ein norsk fysikar. Trumpy er kjend for undersøkingar innan atom- og molekylærfysikk, kosmisk fysikk og kjernefysikk. Han nedla òg eit stort arbeid i samband med opprettinga av Universitetet i Bergen og var den første rektoren på universitetet.

Han virka ved NTH frå 1918 til 1935, der han studerte til kjemiingeniør (1922) og dr.techn. i fysikk (1927), studerte hos Max Born i Göttingen og Niels Bohr i København, og virka seinare som dosent i fysikk (1932-35).[2] Deretter overtok han etter Ole Andreas Krogness ved Geofysisk Institutt i Bergen (1935-59). Han vart leiar for Bergen Museum (1946), leia det lokale Magnetisk Byrå og planla Institutt for fysikk og teknologi ved det komande Universitetet i Bergen. Der vart han seinare professor i jordmagnetisme og kosmisk fysikk, såvel som førsterektor (1948). Han skreiv rundt hundre vitskaplege avhandlingar om atom- og molekylfysikk, kosmisk stråling og kjernefysikk og var tilknytt CERN i sine seinare år (1960).

Trumpy leia Norsk Geofysisk Forening (1946-57) og Norsk Fysisk Selskap (1954-57), der han òg vart æresmedlem (1972). Han vart kommandør av Den Kongelige St. Olavs Orden (1951). Ved Universitetet i Bergen finn ein Bjørn Trumpys hus.[1]

Kjelder[endre | endre wikiteksten]

  1. 1,0 1,1 Bjørn Trumpys hus ved Universitetet i Bergen
  2. Kort forhistorie vedr. Geofysikk