Bjugn kommune

	Bjugn kommune
	kommune
	Kommunevåpen
	Kommunevåpen
Land	Noreg
Fylke	Trøndelag
Adm.senter	Botngård
Areal	384 km²
- land	356 km²
- vatn	28 km²
Målform	bokmål
Ordførar	Ogne Undertun (Ap)
Kommunenr.	5017
	; Bjugn kommune; 63°48′24″N 9°53′53″E / 63.806666666667°N 9.8980555555556°E
	Wikimedia Commons: Bjugn
	Nettstad: www.bjugn.kommune.no

Bjugn er ein tidlegare norsk kommune i Trøndelag fylke. Kystkommunen låg på Fosenhalvøya i Trøndelag fylke, og hadde fire tettstader med Lysøysund og administrasjonssenteret Botngård som dei største. Kommunen grensa til Åfjord i nord, Rissa i aust og Ørland i vest. 1. januar 2020 blei kommunen slått saman med Ørland kommune.^[1]

Kommunevåpenet til Bjugn viser eit ror i gull på blå botn. Dette blei vedteke av kommunen i april 1987 og godkjent i statsråd i 1989.

Geografi[endre | endre wikiteksten]

Bjugnfjorden, Tarvafjorden og Stjørnfjorden skjer inn i kommunen. Været og Karlsøya er øyar som ligg langt frå fastlandet sør i kommunen, medan Melsteinen ligg i nord.

Seksortklumpen på 490 moh. er høgaste fjellet, men det noko lågare Kopparn 483 moh. er eit meir imponerande og velkjent landemerke.

Historie[endre | endre wikiteksten]

Det finst mange spor frå eldre jernalder i kommunen, for det meste gravhaugar, som ligg konsentrert i særskilde område langs kysten.

Sildefiske var lenge ein viktig næringskjelde i området som no er Bjugn kommune, og det blei etablert to fabrikkar for sildolje og sildemjøl her på 1950-talet.

I 1899 blei Bjugn delt opp herada i Stjørna, Bjugn og Nes. I 1964 blei herada Jøssund, Nes, Bjugn og nord-Stjørna slått saman til Bjugn kommune.

Natur[endre | endre wikiteksten]

Engstorkenebb er kommuneblomen til Bjugn.

Kultur[endre | endre wikiteksten]

Mølnargården er bygdatun og museum for Bjugn. Her blir kvart år det historiske spelet Mølnargårdsspellet, som skildrar Bjugn-historia frå steinalderen til 1900-talet, vist fram. Dette var det første utandørsspelet som blei laga til i Sør-Trøndelag.