Bjørkedal

Bjørkedal
Søre Bjørkedal med fjelle Lisjetoren i bakgrunnen
Land	Noreg
Kommune	Volda kommune
Folketal	150
Innbyggjarnamn	bjørkedølingar
Bjørkedal 62.00833333°N 6.05972222°E / 62.00833333; 6.05972222

Bjørkedalen er ei bygd i Volda kommune i Møre og Romsdal. Riksveg 651 mellom Nordfjordeid og Volda går gjennom bygda. Bjørkedalen er første busetnaden etter fylkesgrensa frå Sogn og Fjordane Det bur om lag 150 menneske i bygda.

Den kommunale skulen vart nedlagd i 2004. Den private Bjørkedal nærskule, som då vart starta, vart avvikla i 2016. Elevane vart overførte til Folkestad skule.

I bygda ligg matrikkelgardane Nøre Bjørkedal, Helset, Løset, Eidseflot og Søre Bjørkedal. Busetnaden ligg rundt Bjørkedalsvatnet

Næringsliv

Bjørkedal er ei jordbruksbygd. Nokre gardar driv skogbruk. Det er for det meste furu som blir henta ut, og nytta til båtbygging, plank og ved.

Den særeigne olivinrike fjellgrunnen gir skog som er svært godt eigna til båtbord. Og båtbygging har lange tradisjonar som attåtnæring på dei fleste gardar. Dette handverket kan sporast tilbake til 1500-talet. Her var ein av dei viktigaste stadane for den tradisjonsrike sunnmørsbåten.

Sjølv om båtbyggaraktiviteten har minka av, vert det framleis bygd tradisjonelle trebåtar i bygda. I seinare tid er det bygd kopiar av vikingskip. Både Osebergskipet (1987) og Gokstadskipet (1990)  er kopierte. Det er også bygd tre knarrar etter båtfunn i Danmark, Skuldelev 1-vraket. «Saga Siglar» (1983) som var på jordomsegling, «Borgundknarren» (1993) og «Kvitserk» (1996). Der har også vorte laga mindre vikingskip.

Båtbyggarar frå bygda stod for bygginga av Myklebustskipet, som vart bygd på Nordfjordeid (2016–2019).

Namnet Bjørkedal

Bjørkedal er òg eit slektsnamn. Det er 320 personar som har dette namnet (2007).

Kjende namneberarar

• Anne Bjørkedal, forfattar
• Saxe Bjørkedal, båtbyggar og tradisjonsberar
• Sigurd Bjørkedal, båtbyggar
• Per Jakobsson Bjørkedal, båtbyggar og bygdelækjar.
• Jakob Persson Bjørkedal, gardbrukar, båtbyggjar og stortingsmann.