Blakk

Frå Wikipedia – det frie oppslagsverket
Kvitt fjordingføl og blakk vaksen hest.
Foto: Hans-Jörg Hellwig

Blakk (norrønt blakkr, same opphav som blank) er ein farge på hest som kan vera bleikgul eller bleikt brunleg.[1] Han er mellom anna vanleg på fjording. Det er ein viltfarge som også villesel og villhestar som przewalskihest kan ha.[2]

Hos fjording delar ein fargen blakk inn i raudblakk, ulsblakk, brunblakk og gulblakk, avhengig av fargenyanse og mengda av svarte hår i ål, man, hale og tverrstriper på bein.[1]

«Blakken» er eit vanleg norsk hestenamn, då gjerne brukt om ein fjordhest. Det finst mellom anna i folkevisa om «Beiarblakken», Bjørnson-forteljinga Blakken, Nordahl Rolfsens sin song «Fola, fola Blakken», og barneverset «Sko Blakken, sko Blakken med hammar og tang».[3]

Kjelder[endre | endre wikiteksten]

  1. 1,0 1,1 «blakk». Store norske leksikon (på norsk). 20. september 2019. 
  2. «Horse Dun Zygosity», www.vgl.ucdavis.edu, henta 26. desember 2019 
  3. «Blakken». Store norske leksikon (på norsk). 28. september 2014.