Bolsøya
- For Bolsøy herad, sjå Bolsøy.
| Bolsøya | |
|---|---|
| Geografi | |
 | |
| Stad | Romsdal |
| Koordinatar | 62°43′48″N 07°18′08″E / 62.73000°N 7.30222°E |
| Areal | 5,2 km² |
| Høgaste punkt | Fårøyura (69 moh.) |
| Administrasjon | |
| Land |  Noreg |
| Fylke | Møre og Romsdal |
| Demografi | |
| Folketal | 486 (2024) |
| Folketettleik | 93 /km² |
Bolsøya er ei øy i Molde kommune i Møre og Romsdal. Øya ligg sør for Fannefjorden i Romsdalsfjorden og har eit areal på 5,2 km² og 486 innbyggjarar per 1. januar 2024. Den sørlege delen av Bolsøya heiter Fårøya, noko som truleg skuldast at dei to delane på den tida namna vart gjevne, tidleg i mellomalderen, truleg var fråskild på grunn av høgare vasstand. Det høgaste punktet på øya er 69,5 moh. og ligg på Fårøya.
Riksveg 64 mellom Molde og Åndalsnes kryssar øya, som er knytt til fastlandet gjennom Fannefjordstunnelen mot Molde og Bolsøybrua mot Skålahalvøya. Vegen er bompengefinansiert og vart nedbetalt sommaren 2005.
Den høgaste bautasteinen i landet, Trollpila står ved kyrkjegarden på Bolsøya. Kyrkja vart derimot riven i 1907. Barneskulen Bolsøya skole ligg på øya.
Fram til 1964 var øya del av Bolsøy kommune.
Folketalsutvikling
[endre | endre wikiteksten]| 1801[1] | 1900[2] | 2000[3] | 2024[3] |
|---|---|---|---|
| 52 | 136 | 247 | 486 |
Kjelder
[endre | endre wikiteksten]- ↑ Folketeljing 1801 for Bolsøy prestegjeld, frå Digitalarkivet
- ↑ Folketeljing 1900 for Bolsøy herred, frå Digitalarkivet
- 1 2 Befolkning, etter grunnkrets, statistikkvariabel og år, frå Statistisk sentralbyrå