Boots Randolph
| Boots Randolph | |||
 Randolph på scenen i mars 2000 | |||
| Fødd | 3. juni 1927 | ||
|---|---|---|---|
| Fødestad | Paducah i Kentucky | ||
| Død | 3. juli 2007 (80 år) | ||
| Dødsstad | Nashville | ||
| Fødenamn | Homer Louis Randolph III | ||
| Alias | «Boots» | ||
| Opphav | USA | ||
| Aktiv | ukjend verdi–2007 | ||
| Sjanger | pop | ||
| Instrument | saksofon | ||
| Kjende instrument | Saksofon, trombone, vibrafon | ||
| Tilknytte artistar | Elvis Presley, Chet Atkins, mange andre | ||
| Plateselskap | RCA Victor, Capitol, Monument | ||
| Verka som | Saksofon | ||
Homer Louis «Boots» Randolph III (3. juni 1927–3. juli 2007) var ein amerikansk musikar som er best kjend for saksofonhitten «Yakety Sax» frå 1961 (som vart signaturlåten til Benny Hill). Randolph var ein tor del av «Nashville Sound» det meste av karrieren sin.
Biografi[endre | endre wikiteksten]
Randolph var fødd i Paducah i Kentucky, og voks opp i Cadiz i Kentucky, medan han gjekk på vidaregåande skule i Evansville i Indiana.[1]
Mot slutten av andre verdskrigen spelte Boots Randolph saksofon, trombone og vibrafon i United States Army Band. Etter tenesta i hæren spelte han i Dink Welch's Kopy Kats i Decatur i Illinois, frå 1948 til 1954. Han budde ei kort stund i Louisville i Kentucky, før han drog attende til Decatur for å starte si eiga gruppe. Han reiste frå Decatur i 1957.[2]
I løpet av den over førti år lange karrieren, spelte Randolph på hundrevis av stader i lag med artistar innan pop, rock, jazz og country. Han spelte på mange innspelingar med Elvis Presley og spelte på filmmusikken til fleire av filmane til Presley, mellom anna songen «Return to Sender».
Randolph spelte for Monument Records i Nashville og spelte på Roy Orbison-hitten «Mean Woman Blues» i 1963.[2] Han spelte òg på «Little Queenie» av REO Speedwagon, «Java» av Al Hirt, «Turn On Your Love Light» av Jerry Lee Lewis og «Rockin' Around the Christmas Tree» av Brenda Lee. Han deltok på mange av innspelingane til gitaristen Chet Atkins.
Som soloartist fekk Randolph fire singlar på topp 100 mellom 1963 og 1967. Den mest suksessrike av desse var «Yakety Sax», som nådde 35. plassen i 1963 og låg på lista i ni veker.[3] Randolph hadde òg suksess på albumlista til Billboard, med fjorten plasseringar mellom 1963 og 1972. Boots With Strings frå 1967 nådde 36. plassen og låg inne på lista i nesten to år.[4]
I 1977 opna Randolph ein suksessrik klubb i Nashville kalla Printer's Alley. Han var òg ofte å sjå på fjernsynsprogrammet Hee Haw.
Den 3. juli 2007 døydde Randolph på Skyline Medical Center i Nashville, etter hjerneblødning.[2] Det siste soloalbumet hans, A Whole New Ballgame, kom ut berre ein månad før, 12. juni 2007.
Diskografi[endre | endre wikiteksten]
Albums[endre | endre wikiteksten]
| År | Tittel | Plassering |
|---|---|---|
| US | ||
| 1960 | «Boot Randolph's Yakety Sax» | 79 |
| 1963 | «Yakety Sax!» | — |
| 1964 | «Hip Boots!» | — |
| 1965 | «Boots Randolph plays More Yakety Sax!» | 118 |
| «Plays 12 Monstrous Sax Hits!» | — | |
| 1966 | «Boots with Strings»A | 36 |
| «The Fantastic Boots Randolph» | — | |
| 1967 | «Boots Randolph with the Knightsbridge Strings & Voices» | 189 |
| «King Of Yakety» | — | |
| 1968 | «Sunday Sax» | 76 |
| «The Sound of Boots» | 60 | |
| 1969 | "...with love/The Seductive Sax of Boots Randolph" | 82 |
| «Boots And Stockings» | 16 | |
| «Yakety Revisited» | 113 | |
| 1970 | «Boots with Brass» | 168 |
| «Hit Boots 1970 » | 157 | |
| 1971 | «Homer Louis Randolph, III» | 141 |
| 1972 | «Boots Randolph Plays the Hits of Today» | 192 |
| 1973 | «Sentimental Journey» | — |
| 1974 | «Country Boots»B | — |
| 1975 | «Cool Boots» | — |
| 1976 | «Party Boots» | — |
| 1977 | «Sax Appeal» | — |
| 1978 | «Boots Randolph Puts a Little Sax in Your Life» | — |
| 1982 | «Dedication» | — |
| 1983 | «Yakety-Madness» (med Richie Cole) | — |
| 1990 | «Boots» | — |
| 1992 | «Boots Live» | — |
| «Christmas At Boots' Place» (med Tommy Newsom's Jazztet) | — | |
| 2007 | «A Whole New Ballgame» | — |
- A «Boots with Strings» nådde òg tredjeplassen på Jazz-lista og 21. plassen på R&B-lista.
- B «Country Boots» nådde 30. plassen på country-lista.
Singlar[endre | endre wikiteksten]
| År | Title | Plassering | |
|---|---|---|---|
| US | US AC | ||
| 1963 | «Yakety Sax» | 35 | — |
| 1964 | «Hey, Mr. Sax Man» | 77 | — |
| 1966 | «The Shadow of Your Smile» | 93 | 28 |
| 1967 | «Temptation» | 93 | 30 |
| «Big Daddy» | 105 | — | |
| 1968 | «Fred» | — | 39 |
| «Gentle on My Mind» | — | 19 | |
| 1970 | «Anna» | 111 | 40 |
Sjå òg[endre | endre wikiteksten]
Kjelder[endre | endre wikiteksten]
- Denne artikkelen bygger på «Boots Randolph» frå Wikipedia på engelsk, den 19. oktober 2016.
- Wikipedia på engelsk oppgav desse kjeldene:
- Trott, Walt. (1998). «Boots Randolph.» In The Encyclopedia of Country Music. Paul Kingsbury, Editor. New York: Oxford University Press. s. 428–9.
- ↑ Associated Press, Sax man Boots Randolph known for hit 'Yakety Sax' 4. juli 2007.
- ↑ 2,0 2,1 2,2 Bernstein, Adam. "'Yakety Sax' Saxophonist Boots Randolph, 80". Washington Post. 4. juli 2007.
- ↑ Whitburn, Joel (2000). Top Pop Singles 1955-1999. Menomonee Falls, Wisconsin: Record Research Inc. s. 526. ISBN 0-89820-139-X.
- ↑ Whitburn, Joel (2006). The Billboard Albums - 6th edition. Menomonee Falls, Wisconsin: Record Research, Inc. s. 861. ISBN 0-89820-166-7.