Boris Iofan
| Boris Iofan | |
 | |
| Fødenamn | russisk Борис Михайлович Иофа́н |
| Statsborgarskap | Sovjetunionen |
| Fødd | 16. april 1891 Odesa |
| Død | |
| Yrke | arkitekt |
| Språk | russisk |
| Politisk parti | Sovjetunionens kommunistiske parti |
| Ektefelle | Olga Iofan |
| Partnar | Olga Iofan |
| Boris Iofan på Commons | |
Boris Mikhajlovitsj Iofan (16. april 1891–11. mars 1976) var ein sovjetisk arkitekt knytt til den stalinistiske stilen.[1]
Liv og virke[endre | endre wikiteksten]
Iofan var fødd i Odessa på Krimhalvøya. Han gjekk ut frå Regio Istituto Superiore di Belle Arti (no Accademia di Belle Arti) i Roma i 1916 med ein grad i arkitektur. I førstninga følgde han nyklassisismen. Den fyrste større bygningen hans var eit sanatorium i Barvikha (1929), som gav han kontakt med leiarskapen i det sovjetiske kommunistpartiet.
I 1931 fullførte Iofan Huset på hamnefronten (offisielt kalla Дом Правительства, 'Bygningen til styresmaktene'). Bygningen dekte eit heilt kvartal og inneheldt 505 leilegheiter,[2] to teater og butikkar. Det blei eit ikonisk døme på tidleg staliniststil. Boris Iofan budde livet ut i bygningen.
Iofan var ein av tre arkitektar som teikna Sovjetarpalasset som var planlagt som den største bygningen i verda (dei andre arkitektane var Vladimir Gelfreich og Vladimir Sjtsjuko). Dette skulle vera ein 315 meter høg bygning med ein 100 meter høg statue av Lenin på toppen. Planane deira blei valde av Stalin i ein internasjonal konkurranse, og vann pris ved verdsutstillinga i Paris i 1937. Stålramma som skulle bera bygningen hadde byrja i 1940, men deretter stoppa arbeidet på grunn av andre verdskrigen, og bygningen blei aldri oppført.[3] I 1958 blei eit stort symjebasseng bygd på tomta.
Iofan blei utnemnd til Folkearkitekt i Sovjetunionen 20. oktober 1970.[4]
Galleri[endre | endre wikiteksten]
-
Teikning av det planlagde Sovjetarpalasset på eit frimerke frå 1937. -
Hus på hamnefronten (russisk Dom na naberezjnoj) i Moskva teikna av Boris Iofan -
Sovjetpalasset-prosjektet -
Statuen Arbeidar og kolkhozkvinne av Vera Mukhina og Boris Iofan
.jpg)
.jpg)
Kjelder[endre | endre wikiteksten]
- ↑ Gunnarsjaa, Arne (17. september 2021). «stalinistisk arkitektur». Store norske leksikon (på norsk bokmål).
- ↑ House on the Embankment web site: domna.ru
- ↑ Goode, Patrick (2009). «Soviet Union, Russia». The Oxford Companion to Architecture (på engelsk) (Oxford University Press). ISBN 978-0-19-860568-3. doi:10.1093/acref/9780198605683.001.0001/acref-9780198605683-e-1230.
- ↑ www.promedali.ru История почетного звания «Народный архитектор СССР» Arkivert 2016-03-03 ved Wayback Machine. (vitja september 2010)
- Denne artikkelen bygger på «Boris Iofan» frå Wikipedia på dansk og «Boris Iofan» frå Wikipedia på engelsk, den 26. september 2021.