Brașov

Brașov
Brașov sett frå toppen av fjellet Tâmpa
Flagget til Brașov Byvåpenet til Brașov
Plassering
Styresmakter
Land	Romania
Fylke	Brașov
Grunnlagd	1408
Borgarmeister	George Scripcaru
Geografi
Flatevidd  - By  - Storbyområde	267,2 km² 1368.5 km²
Innbyggjarar  - Totalt (2011)    - folketettleik	253 200   947,6 /km²
Koordinatar	45°40′0″N 25°37′0″E
Høgd over havet	600 moh
Tidssone - Ved sommartid	EET (UTC+2) EEST (UTC+3)
Diverse annan informasjon
Postnummer	RO-500000
Retningsnummer (tlf)	+40 02 68
Bilnummer	BV
Nettstad: www.brasovcity.ro

Brașov (braˈʃov; ungarsk Brassó; tysk Kronstadt; latinsk: Brassovia eller Corona) er ein by i Romania og hovudstaden i Brașov fylke. Han har om lag 250 000 innbyggjarar og er den åttande største byen i etter București, Cluj-Napoca, Timișoara, Iași, Craiova, Constanța og Galați.

Brașov ligg sentralt i landet, om lag 166 km frå București. Han er omgjeve av Dei sørlege Karpatane og er ein del av regionen Transilvania.

Historie

Rådhusplassen i september 2003

Byen vart grunnlagt under namnet Corona (Kronstadt) av ordensbrørne frå Den tyske riddarordenen på byrjinga av 1200-talet, som søraustlegaste tyske by i Siebenbürgen. I 1225 måtte ordensbrørne forlate byen og slo seg ned i Baltikum. Byen var gjennom mange hundreår det kulturelle, andelege og religiøse sentrum for siebenbürgen-saksarane, den tyske folkegruppa i Siebenbürgen, som hadde slått seg ned i området på 1200-talet og utgjorde majoriteten i byen fram til 1800-talet. Byen er òg ein av dei sju festningsbyane som gav namn til Siebenbürgen. På 1200- og 1300-talet gjekk tatarar og tyrkarar stadig til åtak på byen. Så seint som på 1600-talet var byen og regionen gjennom plasseringa si ved grensa til Det osmanske riket. Byen og regionen høyrte sidan mellomalderen til Kongedømet Ungarn og dermed det habsburgske riket (seinare Austerrike-Ungarn). Sidan Trianontraktaten i 1920 har byen vore ein del av Romania. Mellom 1951 og 1961 vart byen kalla Orașul Stalin etter Josef Stalin av det sovjetinnsette kommunistregimet. I 1989 var byen ein av dei første der folk gjorde opprør mot kommunistdiktaturet under den rumenske revolusjonen. I dei siste tiåra har byen hatt ein rumensk majoritet. Det bur derimot framleis ein del ungararar der. Den tyske folkesetnaden har derimot nesten heilt forsvunne på grunn av bortdriving etter den andre verdskrigen og seinare utvandring. I dag er det om lag 1400 tyskarar att i byen.

Attraksjonar

• Bran slott - bygd av Den tyske riddarordenen og inspirasjonskjelde for Bram Stoker sin Dracula.
• Biserica Neagră - «den svarte kyrkja», ei mellomalderkyrkje frå 1383 (gjenoppbygd i 1477).

Busetnader

Brașov er ein municipiu (større bykommune) med desse busetnadane:

Busetnad	Folketal 2011
Bacău	252 814
Poiana Brașov	386

Kjelder

• Denne artikkelen bygger på «Brașov» frå Wikipedia på engelsk, og «Brașov» frå Wikipedia på bokmål den 9. juli 2008.

Bakgrunnsstoff

• Virtuell rundtur gjennom Brașov
• Memorial Museum «Muresianus’ House» Arkivert 2007-04-10 ved Wayback Machine. (engelsk)
• Brasov visitor Arkivert 2015-10-15 ved Wayback Machine. (engelsk-språkleg magasin)