Ypsilonprisen
Ypsilonprisen er Drammensbibliotekets litteraturpris som har vorte delt ut årleg sidan 2000. Fram til og med 2010 heitte prisen Brakeprisen.[1] Prisen skal gå til ein forfattar som enten er frå, eller har nær tilknyting til Drammen, Røyken, Hurum, Lier, Øvre Eiker eller Nedre Eiker, og som har gjort noko særskild for litteraturen i drammensområdet året før, noko som har stimulert til leselyst og leseglede.
Kandidatane vert nominert av ein komité ved biblioteket, og etterpå er det lånarane og andre interesserte som stemmer fram sin favoritt mellom dei nominerte. Prisen er på 10 000 kroner og eit kunstverk.
Det tidlegare namnet på prisen, Brakeprisen, var inspirert av skaldeguden Brage, av einerbusken (som i ein einar), som òg kan kallast brake, og av Brakernes, det tidlegare namnet på Bragernes i Drammen. Dessutan var det eit tilsikta spel på likskapen med Brageprisen. Etter kvart vart det eit problem at namnet vart forveksla med Brageprisen, og det vart avgjort at namnet skulle endrast til Ypsilonprisen.[1] «Ypsilon» er namnet på ei y-forma gangbru over Drammenselva. Brua ligg i nærleiken av Drammensbiblioteket og er vorte eit kjennemerke for byen.[2]
Prisvinnarar
[endre | endre wikiteksten]| År | Prisvinnar | Boktittel |
|---|---|---|
| 2012 | Erland Kiøsterud | Mimina[3] |
| 2011 | Kristian Klausen | Akilles[1] |
| 2010 | Tom H. Dalbak | Den siste bjørnen i Vassfaret |
| 2009 | Romeo Gill | Harjeet |
| 2008 | Erik Bakken Olafsen | Turisten |
| 2007 | Kyrre Andreassen | Svendsens catering |
| 2006 | Tom H. Dalbak | En by som Drammen |
| 2005 | Tangen og Åskollen historielag | Jernstøberiets båter |
| 2004 | Triztán Vindtorn | Å skjøte en regnbue |
| 2003 | Paal-André Grinderud | En magentaturkis himmel - en hyllest til hverdagsmennesket |
| 2002 | Tor Adler Knudsen | Timer i Drammen |
| 2001 | Tom H. Dalbak | Spinn |
| 2000 | Tor Bomann-Larsen | Livlegen |
Referansar
[endre | endre wikiteksten]- 1 2 3 Jaran Øijord (15. oktober 2011). «Ypsilonprisen til Kristian Klausen». Drammens Tidende. Henta 19. Februar 2012.
- ↑ «Ypsilonprisen». Drammensbiblioteket. Henta 19. februar 2012.
- ↑ Siri Moen (12. oktober 2012). «Han får Ypsilon-prisen». dt.no. Henta 1. desember 2012.
Bakgrunnsstoff
[endre | endre wikiteksten]- «Ypslionprisen» Arkivert 2012-05-12 ved Wayback Machine. på nettstaden til Drammensbiblioteket.