Bram Som

Bram Som
Statsborgarskap	Kongeriket Nederlanda
Fødd	20. februar 1980 (45 år) Terborg
Idrett	friidrett
Tok del i	Sommar-OL 2004, Sommar-OL 2000

Bram Som (fødd 20. februar 1980) er ein nederlandsk tidlegare mellomdistanseløpar som i 2006 vart europameister på 800 meter.

Som kom på sjetteplass på 800 meter i EM i friidrett 2002 i München. Han deltok i Sommar-OL 2004, men kom seg ikkje vidare frå semifinalane. Ein akilles-skade gjorde at han stod over 2005-sesongen. 13. august 2006 vann han gullmedaljen på 800 m under europameisterskapen i Göteborg. I Zürich tre dagar seinare sette han landsrekord på distansen med tida 1.43,45. Sidan var han tidvis plaga av skadar. I 2009-sesongen vart han sjuandemann i 800-metersfinalen ved verdsmeisterskapen i Berlin og han sprang på 1.43,59 i Rieti.

Som var nederlandsk meister på 800 meter i 2000, 2001, 2003, 2004, 2006 og 2010, samt på 1500 meter i 2009 og 2011.

Kjelder

• Bram SOM | Profile | World Athletics
• Denne artikkelen bygger på «Bram Som» frå Wikipedia på tysk, den 4. september 2023.