Breinebb
| Breinebb | |
 Blåstrupebreinebb, Pseudocalyptomena graueri Illustrasjon John Gerrard Keulemans, 1909, Public domain | |
| Systematikk | |
| Underrekkje: | Virveldyr Vertebrata |
| Overklasse: | Tetrapodar Tetrapoda |
| Klasse: | Fuglar Aves |
| Underklasse: | Neognathae |
| Overorden: | Neoaves |
| Orden: | Sporvefuglar Passeriformes |
| Underorden: | Tyranni |
| Familie: | Breinebb Eurylaimidae Lesson, 1831 |
Breinebb er ein biologisk familie av små sporvefuglar, Eurylaimidae. Blåstrupebreinebb lever i Afrika sør for Sahara, resten har utbreiing som strekkjer seg frå det austlege Himalaya til Sumatra og Borneo.
Skildring[endre | endre wikiteksten]
Mange av breinebba er sterkt farga fuglar. Dei varierer mellom 13 og 28 centimeter i lengd og lever i tett, bladfylt, våt skog, slik at dei kan skjule seg trass fargerik fjørdrakt.[1] Nebba er som namnet seier, breie, flate og litt krumma.
Levevis[endre | endre wikiteksten]
Breinebba er for det meste insektetande og kjøttetande. Bytte omfattar insekt, kongroer, skolopendrar og tusenbein, og dessutan øgler og froskar som lever i tre. Dei kan ta byttedyr ved å kaste seg snøgt frå ei grein og snappe det i flukt, og ved å plukke bytte bort frå lauv og greiner. Nokre artar kan ta litt frukt, men berre dei grøne breinebba i slekta Calyptomena og blåstrupebreinebb er primært fruktetarar som òg tar nokre insekt i tillegg. Dei er generelt selskapelege, mange artar flyttar seg i flokkar på rundt 20 individ. Breinebb festar dei pungforma reira sine til greiner, og lèt ein hale av fiber hengje under. Dette gjev inntrykk av at reiret er tilfeldige restar av plantar fanga i treet. Kamuflasjeeffekten blir forbetra ytterlegare ved at fuglane dekkjer reiret med lav og spindelvev[1]. Breinebb legg vanlegvis to til tre egg.
Artsliste[endre | endre wikiteksten]
Det har ikkje vore semje om slektene Smithornis og Calyptomena, arten sapayoa og gruppa asitiar fell inn i denne familien. IOC World Bird List, versjon 2.4, tar med begge[2] Etter september 2012 av Clementslista er sapayoa tatt ut til sin eigen familie, asitiar er framleis i sin eigen familie Philepittidae og Smithornis og Calyptomena er sett inn i ein ny familie Calyptomenidae.[3]
Breinebb i rekkjefølgje etter Clementslista versjon 6.8 frå august 2013[4] med norske namn etter Norske navn på verdens fugler.[5]
Slekt Cymbirhynchus
- Kvitskulderbreinebb, Cymbirhynchus macrorhynchos, Black-and-red Broadbill, LC, Gmelin, 1788
Slekt Psarisomus
- Langhalebreinebb, Psarisomus dalhousiae, Long-tailed Broadbill, LC, Jameson, 1835
Slekt Serilophus
- Sølvbreinebb, Serilophus lunatus, Silver-breasted Broadbill, LC, Gould, 1834
Slekt Eurylaimus
- Solstripebreinebb, Eurylaimus javanicus, Banded Broadbill, LC, Horsfield, 1821
- Gulaugebreinebb, Eurylaimus ochromalus, Black-and-yellow Broadbill, NT, Raffles, 1822
- Mindanaobreinebb, Eurylaimus steerii, Wattled Broadbill, VU, Sharpe, 1876
- Visaybreinebb, Eurylaimus samarensis, Visayan Broadbill, VU, Steere, 1890
Slekt Corydon
- Sotbreinebb, Corydon sumatranus, Dusky Broadbill, LC, Raffles, 1822
Slekt Pseudocalyptomena
- Blåstrupebreinebb, Pseudocalyptomena graueri, Grauer's Broadbill, VU, Rothschild, 1909
Kjelder[endre | endre wikiteksten]
- Denne artikkelen bygger på «Broadbill» frå Wikipedia på engelsk, den 4. juli 2010.
Referansar[endre | endre wikiteksten]
- ↑ 1,0 1,1 McClure, H. Elliott (1991). Forshaw, Joseph, red. Encyclopaedia of Animals: Birds. London: Merehurst Press. s. 158–158. ISBN 1-85391-186-0.
- ↑ Gill, F.; D. Donsker, red. (2010). «IOC World Bird Names (version 2.4)». Henta 20. juni 2010.
- ↑ Clements, J.F.; T.S. Schulenberg; M.J. Iliff; B.L. Sullivan; C. L. Wood (september 2012), The Clements checklist of birds of the world: Version 6.7 (Excel spreadsheet), Cornell Lab of Ornithology, henta 1. oktober 2012
- ↑ Clements, J.F.; T.S. Schulenberg; M.J. Iliff; B.L. Sullivan; C.L. Wood; D. Roberson (august 2013), The eBird/Clements checklist of birds of the world: Version 6.8 (CSV), Cornell Lab of Ornithology, henta 21. oktober 2014
- ↑ Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. Norsk Ornitologisk Forening sin nettstad (publisert 22.5.2008)
Bakgrunnsstoff[endre | endre wikiteksten]
Wikimedia Commons har multimedia som gjeld: Breinebb
- Videoar, bilete og lydopptak av breinebb hos Internet Bird Collection.