Brentford
| Brentford | |||
| forstad | |||
 Brentford sentrum | |||
| Land |  England | ||
|---|---|---|---|
| Region | Stor-London | ||
| Distrikt | Hounslow | ||
| Areal | 5,87 km² | ||
| Folketal | 16 571 (2021)[1] | ||
| Postnummer | TW8 | ||
| Retningsnummer | 0 20 | ||
 Brentford 51°29′10″N 0°18′36″W / 51.4861°N 0.3101°W | |||
| Wikimedia Commons: Brentford, London Borough of Hounslow | |||
Brentford er eit forstadsområde i London Borough of Hounslow i London, der Themsen og Brent møter kvarandre omkring tretten kilometer vest-sørvest for Charing Cross. Namnet viser til ein vadestad (ford) i elva Brent.
Staden er først nemnd som Bregentforda omkring 781, då konsilet i Brentford blei halde. I Den angelsaksiske krøniken blir han i ei oppføring frå 1016 nemnd som Bregentforda og Brentforda. Busetjinga er langt eldre enn dette; den eksisterte allereie då romarane kom til øya. Det er funne ei rekkje pre-romerske gjenstandar der, blant anna keramikk frå bronsealderen og brent flint. Mengda funn tyder på at Brentford var ein møtestad for fleire stammar, og at det blei utført ritual der. Eit funn frå jernalderen, ein del frå ei stridsvogn, høyrde til opphavleg samlinga til Thomas Layton og er nå utstilt i Museum of London. Gjenstanden er dekorert med eit keltisk knutemønster kjend som Brentford Knot.
Det har blitt fremma ein teori om at det også var ein kryssingsstad i Themsen ved Brentford, og at det var der Julius Cæsar kryssa elva då han invaderte Britannia. Eit slag mellom styrkane til Cæsar og catuvellaunerne skal ha stått der, utan at det finst prov som støttar dette. To seinare slag er dokumentert, i 1016 og 1642.
Kjelder
[endre | endre wikiteksten]- Denne artikkelen bygger på «Brentford» frå Wikipedia på bokmål, den 26. mai 2008.
