Brian Labone

Brian Labone
Statsborgarskap	Storbritannia
Fødd	23. januar 1940 Liverpool
Død	24. april 2006 (66 år) Liverpool
Idrett	fotball
Tok del i	VM i fotball 1970, EM i fotball 1968

Brian Leslie Labone (23. januar 1940–24. april 2006) var ein engelsk fotballspelar frå Liverpool. Han spelte midtstoppar på Everton FC, og var med om å vinne ligaen to gongar og FA-cupen.

Karriere

Klubbspel

Labone var aktiv for Everton frå 1958 til 1971, spelte 534 kampar. Han vart ligameister med laget i 1963 og på ny i 1970. I 1966 kunne han som kaptein heve FA-pokalen etter finalesiger 3–2 over Sheffield Wednesday, to år seinare tapte Everton FA-cupfinalen mot West Bromwich Albion.

Landslagsspel

Labone spelte 26 landskampar for England. Tre av kampane kom i 1962/63-sesongen, resten i tida mai 1967 til 14. juni 1970. Under Fotball-VM 1970 var han midtstoppar i tre kampar. I hans siste landskamp rauk England ut av meisterskapen etter tap 2–3 mot Tyskland.

Merittar

• Ligameister: 1963 og 1970 med Everton
• Vinnar av FA-cupen: 1966 med Everton

Kjelder

• Denne artikkelen bygger på «Brian Labone» frå Wikipedia på engelsk, den 10. november 2021.
• eu-football