Brigitte Oertli
| Brigitte Oertli | |
| Statsborgarskap | Sveits |
| Fødd | 10. juni 1962 (64 år) Egg i Sveits |
| Idrett | alpint |
| Tok del i | Vinter-OL 1984, alpine skiing at the 1988 Winter Olympics – women's downhill, alpine skiing at the 1988 Winter Olympics – women's combined |
Brigitte Oertli (fødd 10. juni 1962) er ein sveitsisk tidlegare skirennar frå Egg i kantonen Zürich. Ho vann to OL-sølv i 1988 og ein VM-bronse året etterpå. Både i 1985 og 1988 kom ho på andreplass i verdscupen i alpint.
Aktiv
[endre | endre wikiteksten]Oertli meisterskapsdebuterte internasjonal under VM i alpint 1985 i Bormio. Der kom ho femteplass i slalåmtevlinga og åttandeplass i utforløypa. Ho deltok også i VM i alpint 1987 i Crans-Montana, og vart nummer 10 i super-G og nr 11 i storslalåm.
Under vinter-OL 1988 i Calgary tok Oertli sølv i utfor, bak den suverene vinnaren Marina Kiehl frå Vest-Tyskland. Ho gjentok bragda i kombinasjonen, då bakom Anita Wachter. Under VM i alpint 1989 i Vail i Colorado fekk ho bronse i kombinasjonsøvinga, etter Tamara McKinney og landsmannen Vreni Schneider.
Gjennom si tid som aktiv vann Oertli ni verdenscuprenn, sju av dei i den alpine kombinasjonen. Ho vann kombinasjonsdelen i verdscupen heile fire sesongar (1985, 1987-89). Ho gjekk første gongen til topps i verdscupen 9. desember 1984, den siste sigeren kom 10. desember 1989. Flest sigrar oppnådde ho i 1988-sesongen, då ho også vann sin einaste siger i slalåm og sin einaste i utfor.
To gongar kom Oertli på andreplass i verdscupen i alpint for kvinner, høvesvis 1985 og 1988. I 1985 var ho med på ein sveitsisk storeslem, Michela Figini vann då verdscupen i alpint føre Oertli, 259 poeng mot 218, med Maria Walliser på tredjeplass. I tillegg kom Erika Hess på ein delt fjerdeplass.
Oertli la opp i 1990.
Verdscupsigrar
[endre | endre wikiteksten]| Dato | Stad | Land | Øving |
|---|---|---|---|
| 9. desember 1984 | Davos | Sveits | Kombinasjon |
| 11. januar 1985 | Bad Kleinkirchheim | Austerrike | Kombinasjon |
| 11. januar 1987 | Mellau | Austerrike | Kombinasjon |
| 13. desember 1987 | Leukerbad | Sveits | Kombinasjon |
| 18. januar 1988 | Saas-Fee | Sveits | Slalåm |
| 24. januar 1988 | Bad Gastein | Austerrike | Kombinasjon |
| 5. mars 1988 | Aspen | US-Amerika | Utfor |
| 15. januar 1989 | Grindelwald | Sveits | Kombinasjon |
| 10. desember 1989 | Steamboat Springs | USA | Kombinasjon |
Kjelder
[endre | endre wikiteksten]- Denne artikkelen bygger på «Brigitte Oertli» frå Wikipedia på tysk, den 18. januar 2012.
Bakgrunnsstoff
[endre | endre wikiteksten]- (en) Brigitte Oertli – Profil og resultatoversikt hos FIS