Bring the Boys Back Home
| Bring the Boys Back Home Song av Pink Floyd frå albumet The Wall | ||
| Språk | engelsk | |
| Utgjeve | 30. november 1979 | |
| Innspelt | April-november 1979 | |
| Sjanger | Kunstrock, symfonisk rock | |
| Lengd | 1:21 | |
| Selskap | Harvest Records (UK), Columbia Records (US)/Capitol Records (US) | |
| Komponist | Roger Waters | |
| Tekstforfattar | Roger Waters | |
| Låtskrivar(ar) | Roger Waters | |
|---|---|---|
| Produsent | Bob Ezrin, David Gilmour, James Guthrie og Roger Waters | |
«Bring the Boys Back Home» er ein song av det britiske bandet Pink Floyd laga av Roger Waters for albumet deira The Wall i 1979. Songen kom òg som b-side til singelen «When the Tigers Broke Free».
Tekst og komposisjon[endre | endre wikiteksten]
«Bring the Boys Back Home» handlar om den unge Pink som leitar etter far sin når alle kjem heim frå krigen, men Pink finn han ikkje. Folk rundt han er glade og sorglause og syng «Bring the boys back home!».
Songen er kraftfull med fullt orkester og stort operakor. Mot slutten av songen kan ein høyre telefonen frå «Young Lust», og læraren frå «Another Brick in the Wall». I tillegg kan ein høyre den kvinnelege tilhengjaren i byrjinga av «One of My Turns», og til slutt ei vokallinje frå «Is There Anybody Out There?». Ein kan samstundes med alt dette høyre ei stemme, truleg manageren til Pink, som roper «time to go!» (for å spele ein konsert) og lyden av manisk latter.
I følgje Roger Waters inneheld songen hovudtemaet til albumet, nemleg fellesskap. På dette stadiet i historia skjønar Pink at berre samhald kan redde verda, og til slutt han sjølv. Sjølv om han no veit korleis han skal løyse problemet sitt, klarar han ikkje å setje i gang, og bukkar under for sin stadig verre psykiske helse og kollapsar på hotellrommet.
På albumet er det Waters som syng teksten, medan det i filmen er eit stort kor. Songen er òg lengre i filmversjonen enn på albumet.
Medverkande[endre | endre wikiteksten]
- Roger Waters – vokal[1]
- David Gilmour – vokal på reprisen av «Is There Anybody Out There?»
med:
- Joe Porcaro – skarptromme[2]
- 35 trommeslagarar frå New York, inkludert Bleu Ocean – skarptrommer[2][3]
- New York Opera – kor[2]
- New York Orchestra – strykarar[2]
Kjelder[endre | endre wikiteksten]
- Fitch, Vernon. The Pink Floyd Encyclopedia (3. utg.), 2005. ISBN 1-894959-24-8
- ↑ Fitch, Vernon and Mahon, Richard, Comfortably Numb — A History of The Wall 1978-–1981, 2006, s. 97.
- ↑ 2,0 2,1 2,2 2,3 Fitch og Mahon, s. 97
- ↑ Ocean, Bleu. «About Bleu Ocean». Arkivert frå originalen 23. juli 2012. Henta 5. april 2013.