Bryne kompetansesenter
Bryne kompetansesenter er eit interkommunalt vaksenopplæringssenter på Bryne på Jæren i Rogaland fylke. I 2017 er det om lag 300 deltakarar og elevar ved kompetansesenteret, frå meir enn 30 land, med om lag 30 tilsette i undervisning og administrasjon.
Avdeling norsk for barn - grunnleggjande norskopplæring (GNO)[endre | endre wikiteksten]
- for elevar som høyrer til i Time kommune.
Avdelinga gjev opplæring til innvandrarar i alder 6 til 16 år som nyleg er komne til Norge. Dei har undervisning her om lag eitt år før dei går fulltid på heimeskulen i Time kommune.
Avdeling norsk og samfunnskunnskap for vaksne[endre | endre wikiteksten]
- eit samarbeid mellom kommunane Time og Klepp.
Avdelinga gjev opplæring i norsk og samfunnskunnskap til vaksne innvandrarar som nyleg er komne til Noreg, og som bur i kommunane Time og Klepp.
Avdeling grunnskule for vaksne[endre | endre wikiteksten]
- eit samarbeid mellom kommunane Hå, Klepp og Time
Avdelinga gjev førebuande opplæring for vaksne på grunnskulenivå, og underviser i norsk, matematikk, samfunnsfag, naturfag og engelsk. Eksamen kvalifiserer til vidaregåande utdanning.
Bryne kompetansesenter tilbyd også spesialundervisning for vaksne med eigen synspedagog og samarbeidande logoped.
Historikk[endre | endre wikiteksten]
Time språkstasjon vart skipa i 2000, med om lag femti deltakarar. Etter kvart vart språkstasjonen eit samarbeid mellom kommunane Time og Klepp. I 2015 vart namnet endra til Bryne kompetansesenter; tre kommunar samarbeider no - Time, Klepp og Hå[1].