Tharthar
| Tharthar | |||
| innsjø | |||
 Landsat 5 (1990)
| |||
| Land |  Irak
| ||
|---|---|---|---|
| Guvernement | Al Anbar guvernement | ||
| Høgd | 3 moh. | ||
| Koordinatar | 33°58′N 43°11′E / 33.967°N 43.183°E | ||
| Lengd | 120 km | ||
| Breidd | 48 km | ||
| Areal | 2 710 km² [1][2] | ||
| Volum | 85,59 km³ [1] | ||
| Kjelde | Tharthar-kanalen | ||
| Munning | Taksim Tharthar-kanalen | ||
| Ferdigstilt | 1956 | ||
 Tharthar 33°58′00″N 43°11′00″E / 33.966666666667°N 43.183333333333°E | |||
  | |||
| Wikimedia Commons: Lake Tharthar | |||
Tharthar (eller Therthar) og i Irak kjend som Buhayrat ath-Tharthar (arabisk بحيرة الثرثار) er ein kunstig innsjø som var ferdig i 1956. Han ligg kring 100 km nordvest for Bagdad mellom Tigris og Eufrat.
Skildring[endre | endre wikiteksten]
I 1956 vart den sørlege delen av Tharthar-søkket omgjort til eit vassreservoar for å samle flaumvatn frå Tigris. Vatnet flyt inn i innsjøen via ein kunstig kanal, Thartharkanalen. Vatnet inn i kanalen vert styrt ved Samarradammen og renn ut i innsjøen ved søraustbreidda.
Vatnet renn ut frå innsjøen via den kunstige Taksim Tharthar-kanalen, som munnar ut i Eufrat. Kanalen deler seg etter 28 km i ein annan kanal, kalla Dhira'a Dijla (Tigrisarmen) og returnerer vatn attende til Tigris.
Tharthar-søkket vart danna under holocen, hovudsakleg på grunn av karstdanning.[2] Tharthar dekkjer kring 2 050 km² og strekkjer seg frå dei sentrale og austlege områda av Sinjarfjella og omliggande åsar. Høgda er berre tre meter over havet. På det lengste er innsjøen 120 km lang og på det breiaste 48 km brei. Austkanten av søkket er høgare enn den vestlege, og strekkjer seg 90 meter opp frå innsjøen.
Hovudføremålet med Tharthar er å samle overflødig vatn frå Tigris i flomtida og sende vatn til Tigris og Eufrat i tørketida, då det kan vere vassmangel i begge elvane. I tillegg vert saltet vaska ut av det lagra vatnet ved ei naturleg, kontinuerleg drenasje av det lagra vatnet.[2]
Dyre -og planteliv[endre | endre wikiteksten]
Tharthar og området rundt er eit av ei viktigaste beiteområda i Irak, og somme området er dekt av korn- og maisåkrar. Området har mange dyre- og planteartar.
Fuglar[endre | endre wikiteksten]
Tharthar vert rekna som vinterhabitat for mange truga trekkfuglar som tartarfalk, kragtrapp og steppevipe. Ein har observert 54 fugleartar i Tharthar, som trekkfuglane steppehauk, blåråke og svarthalespove (alle nær truga) og ein endemisk kråkeart (Corvus cornix capellanus).
Pattedyr[endre | endre wikiteksten]
Det er blitt observert gullsjakalar på staden. Stripehyener og ørkengauper er òg sett av lokale innbyggjarar nær innsjøen.
Reptil[endre | endre wikiteksten]
Det er observert mange reptilartar som tyrkisk halvfingergekko og egypttornehale.
Fisk[endre | endre wikiteksten]
Ein har funne ti fiskeartar i innsjøen som mellom andre gullfisk og karpe.
Kjelder[endre | endre wikiteksten]
- Denne artikkelen bygger på «Lake Tharthar» frå Wikipedia på engelsk, den 11. september 2017.
- Wikipedia på engelsk oppgav desse kjeldene:
