Bulandet
| Bulandet | |
|---|---|
 Nyevegen på Bulandet med Alden i bakgrunnen | |
| Geografi | |
| |
| Stad | Sunnfjord |
| Koordinatar | 61°17′26″N 04°37′17″E / 61.29056°N 4.62139°E
|
| Tal på øyar | ca. 300 |
| Store øyar | 15
|
| Høgaste punkt | 43 moh. |
| Administrasjon | |
| Land |  Noreg
|
| Fylke | Vestland
|
| Demografi | |
| Folketal | ca. 230 (2023)
|
Bulandet, tidlegare kalla Bue, er ei øygruppe vest i havet i Askvoll kommune. Det er rundt 300 øyer, holmar og skjer i gruppa, ofte blir det sagt talet på dei er 365. Dei rundt 260 personane som bur i Bulandet held til på rundt 15 av øyane. Namnet «Bulandet» kjem av «bu», som i «rorbu» eller «sjøbu». Området er også blitt omtalt som Noreg eller Vestlandet sitt svar på Venezia.
Etter at aktiviteten på Utvær i Solund kommune tok slutt er Bulandet det vestlegaste levande fiskeværet i Noreg. Hovudnæringa er framleis fiske og fiskeforedling, men turisme gjev òg arbeid og innkome og er ein næringsveg i vekst. Det er barnehage og kombinert barne- og ungdomsskule på Bulandet, der òg ungane frå Værlandet går.
Kommunikasjon
[endre | endre wikiteksten]I 2003 vart veg- og bruanlegget kalla «Nordsjøporten» opna. Tidlegare var det ferjesamband frå Askvoll/Fure/Værlandet til Bulandet, no går ferja til Værlandet og derfrå er det veg- og brusamband til Bulandet. Nordsjøportenanlegget er på til saman 6 nye bruer og 5240 meter ny veg.
Soge
[endre | endre wikiteksten]Øyane er bygd opp av sandstein frå devontida.
Bulandet var hamn for seglingar mellom Noreg og Storbritannia under andre verdskrigen, og blei utsett for ein tysk straffeekspedisjon.
Geografi
[endre | endre wikiteksten]Blant dei busette øyane er:
- Gjørøyna, den austlegaste av dei busette øyane
- Hågøy
- Gjelsa
- Fedøyna
- Halsøyna, der Bulandet skule ligg
- Hellersøyna
- Kjempeneset, der Bulandet bedehuskapell og gravplass ligg
- Vadøy
- Nikkjøyna, der Bulandet ferjekai ligg
- Sandøyna, den vestlegaste av dei busette øyane, som ikkje har vegsamband til resten av Bulandet
Folketalsutvikling
[endre | endre wikiteksten]| 1801[1] | 1900[2] | 2000[3] | 2023[3] |
|---|---|---|---|
| 70 | 171 | 2401 | 2321 |
1Med Melværet.
Kjelder
[endre | endre wikiteksten]- «Bulandet» i Store norske leksikon, snl.no.
- Bulandet Arkivert 2011-07-03 ved Wayback Machine. ved batmagasinet.no
- [1] ved bulandsferie.no
- Bulandet - Venezia i vest Arkivert 2011-11-06 ved Wayback Machine. ved batmagasinet.no
 | Denne geografiartikkelen som har med Vestland å gjere, er ei spire. Du kan hjelpe Nynorsk Wikipedia gjennom å utvide han. |
- ↑ Folketeljing 1801 for Askvoll prestegjeld, frå Digitalarkivet
- ↑ Folketeljing 1900 for Askvoll herred, frå Digitalarkivet
- ↑ 3,0 3,1 Befolkning, etter grunnkrets, statistikkvariabel og år, frå Statistisk sentralbyrå