Canadair North Star

Canadair North Star, òg kjend som Argonaut var eit candisk passasjar- og fraktfly. Det var utvikla på 1940-talet frå Douglas DC-4.^[1]

DC-4 versus North Star[endre | endre wikiteksten]

Den vesentlege endringa som vart gjort var at stjernemotorane vart bytte ut med Rolls-Royce Merlin rekkjemotorar for å kunna oppnå høgare fart. Flyet fekk då òg høgare marsjfart, på 523 km/t.^[2] samanlikna med 365 km/t hjå Douglas DC-4. Prototypen flaug fyrste gong den 15. juli 1946. North Star vart vald av fleire selskap, såvel som det canadiske flyvåpenet RCAF. Flyet var i teneste gjennom heile 50-talet til langt ut i 60-åra. Enkelte var enno i drift som reine fraktfly opp til 1980-åra.^{[treng kjelde]}^[3]

Flytypen i bruk[endre | endre wikiteksten]

Flyet vart fyrst og fremst brukt i Canada og England, av dei to canadiske selskapa Trans-Canada Air Lines, Canadian Pacific Air Lines og dessutan det canadiske flyvåpenet. På eksportmarket vart flyet kjøpt av det britiske BOAC og East African Airways.^{[treng kjelde]}

Flyet vart bygd i fleire variantar i tilsaman 71 eksemplar, med og utan trykk-kabin. Det britiske selskapet overtok 20 som hadde trykk-kabin. Som BOAC-fly gjekk dei under namnet «Argonaut».^{[treng kjelde]}

Det tidlegare danske charterselskapet Flying Enterprise overtok fem Argonauts frå BOAC]og brukte desse til chartertrafikk til middelhavsdestinasjoner i fem år til selskapet gjekk konkurs i 1965.^{[treng kjelde]}