Carl J. Westerlund

Carl J. Westerlund
	Carl J. Westerlund
	;
Fødd	2. juni 1885; Bodø
Død	14. mai 1952 (66 år)
Statsborgar av	Noreg
Parti	Arbeidarpartiet
Yrke	politikar, redaktør, offentleg tenestemann
Alle verv	stortingsrepresentant (1945–1950); vararepresentant til Stortinget (1925–1927) ;

Carl Julius Alvin Westerlund (2. juni 1885–14. mai 1952) var ein norsk tenestemann og politikar frå Haugesund som 1945-49 representerte Arbeidarpartiet og kjøpstadene i Vest-Agder og Rogaland på Stortinget.

Westerlund var fødd i Bodø, der far hans var feiarmeister. Familien flytta til Haugesund i 1898 da faren fekk jobb der. Carl gjekk i bokbindarlære i Haugesund, og arbeidde som bokbindar i Bergen, Sandnes og Haugesund. I tida 1913-19 redigerte han også Haugesund Folkeblad. Sidan var han 1919-25 styrar av Haugesund kommunale reinhaldsverk og frå 1925 til han døydde forretningsførar i Haugesund trygdekasse, med unnatak for 1944-45, då han var avsett frå stillinga.

Westerlund var bystyremedlem i Haugesund frå 1914 til 1940, bortsett for valperioden 1932-34. Størstedelen av tida sat han i formannskapet, ordførar åra 1919 og 1922. Elles var han formann i kinostyret i byen 1920-41 og 1946-52, dessutan formann i Arbeidsnemnda for arbeidarbruk og boligbanken 1929-37.

Stortingsperioden 1925-27 var Westerlund varamann til Stortinget og møtte 15 dagar i juni-juli 1926. Hausten 1945 vart så Westerlund vald til stortingsrepresentant frå kjøpstadene Kristiansand, Mandal, Flekkefjord, Stavanger og Haugesund. Arbeiderpartiet plasserte han i Finans- og tollkomiteen. Utanom Stortinget var han frå 1947 medlem i Pris- og rasjonaliseringskomiteen til han døydde i 1952.

Westerlund var aktiv i fråhaldssaka.

Kjelder

Stortingsbiografi
Kongshavn, Trygve (1930). Haugesunds kommunale administrasjon i 75 år. Stavanger: Dreyer.
Ousland, Gunnar (1960). «Trekk av fagorganisasjonens historie: Litt om foregangsmennene : Carl J. Westerlund». Fri fagbevegelse; nr 10/1960. Oslo. s. 242, 249.
Alfredsen, Stål (2017). «Carl J. Westerlund – munter mann på Stortinget». Ætt og heim : lokalhistorisk årbok for Rogaland. Stavanger. s. 134-140.