Carl Sibbern
| Carl Sibbern | |
| Statsborgarskap | Noreg |
| Fødd | 11. april 1809 Rygge |
| Død | |
| Yrke | jurist, Fylkesmann, politikar |
| Språk | norsk |
| Far | Valentin Sibbern |
Carl Sibbern (11. april 1809–17. mai 1880) var ein norsk embetsmann og stortingsmann. Valentin Sibbern var far hans, og han kom til verda på familiegodset Vernekloster i Rygge.
Sibbern gjekk på Kristiania katedralskole frå 1823, og vart student i 1828. Han tok juridisk embetseksamen i desember 1832. I 1833 byrja han som kopist i revisjonsdepartementet, der han vart konstituert fullmektig i 1836. Frå 1837 var han fullmektig ved statsrådsavdelinga i Stockholm. 1847-52 var han fut i Jarlsberg. Sibbern var amtmann i Smaalenene frå 1855 til han døydde.
Sibbern representerte Smaalenenes amt på alle Storting 1857-69. Han var formann i vegkomiteen 1857, 1862-63, 1865-66 og 1868-69, medlem i same 1859-60. Elles var han formann i jarnbanekomiteen 1864 og medlem av Lagtinget 1865-69. Han var medlem av ein kongeleg kommisjon 1854 om fengselsstellet og formann i kommisjonen om Ås landbruksskule.
Sibbern var innehavar av St. Olavs Orden og Nordstjerneordenen. Han døydde 1880 på eigedomen sin, Carlberg i Rygge.
Kjelder[endre | endre wikiteksten]
- Lindstøl, Tallak (1857-1925) (1914). «Carl Sibbern». Stortinget og statsraadet: samt tillæg. Kristiania: Steen'ske bogtrykkeri. s. 785–786.
- Biografisk informasjon om Carl Sibbern NSD Norsk senter for forskningsdatas politikararkiv
- Einskildmenn
- Fødde i 1809
- Døde i 1880
- Norske amtmenn
- Fylkesmenn i Østfold
- Stortingsrepresentantar 1857-1858
- Stortingsrepresentantar 1859-1861
- Stortingsrepresentantar 1862-1864
- Stortingsrepresentantar 1865-1867
- Stortingsrepresentantar 1868-1870
- Stortingsrepresentantar for Smaalenenes amt
- St. Olavs Orden
- Nordstjerneordenen
- Folk frå Rygge