Central River Region

Central River Region
region
Land	Gambia
Hovudstad	Janjanbureh
Central River Region 13.570833°N 14.963056°W / 13.570833; -14.963056

Central River Region (tidlegare Central River Division) er eit av seks forvaltingsområde i den vestafrikanske staten Gambia. Regionen omfattar Local Government Area Janjanbureh og Local Government Area Kuntaur.

Geografi

Regionen på 2895 km² ligg på begge breidder av Gambiaelva. Regionen er vidare inndelt i ti distrikt. I 2013 hadde han eit estimert folketal på 207 574 innbyggjarar. I vest grensar han til Lower River Region og North Bank Region og i aust til Upper River Region. Det administrative senteret er i Janjanbureh, som ligg på Janjanbureh-øya, og utgjer sitt eige distrikt, Janjanbureh. Den største byen er Bansang i Fulladu West-distriktet, med 8 535 innbyggjarar.

Distrikt

Dei ti distrikta er Lower Saloum, Upper Saloum, Nianija, Niani, Sami, Niamina Dankunku, Niamina West, Niamina East, Fulladu West og Janjanbureh.

Busetnader

Dei største busetnadane er:

• Bansang, 8535
• Brikama Ba, 4204
• Janjanbureh, 3998
• Madina Umfally, 3145
• Kuntaur, 3074
• Sami, 3040
• Jarreng, 3037
• Kundang, 2555
• Kerewan Samba Sira, 2283
• Saruja, 2196

Folkesetnad

Ifølgje ei undersøking frå 1993 (den dåverande folketeljinga) var den største folkegruppa mandinka, som utgjorde kring tre tidelar av folkesetnaden, følgd av fula- og så voloffolk. Fordelinga i detalj var: 29,5 % mandinkafolk, 37,2 % fulaniar, 26 % voloffolk, 0,6 % jolafolk, 4,1 % serahule, 0,4 % sererfolk, 0,1 % aku, 0,3 % manjago, 0,6 % bambara og 1,2 % andre folkeslag.

Kjelder

• Denne artikkelen bygger på «Central River Region» frå Wikipedia på tysk, den 2. september 2024.