Christian Ihlen

Frå Wikipedia – det frie oppslagsverket
Hopp til navigering Hopp til søk
Christian Ihlen
Fødd26. november 1838
Modum
Død14. januar 1901
NasjonalitetNoreg
PartiModerate Venstre
Yrkepolitikar

Christian Johansen Ihlen (26. november 183814. januar 1901) var ein handelsmann, gardbrukar og stortingsmann frå Modum i Buskerud. Han røysta i lag med Moderate Venstre.

Ihlen var son til ein gardbrukar. Sjølv gjekk han eit år på Tordenskjoldskulen i Holmestrand, og var så sjømann i tre år. Sidan arbeidde han som handelsbetjent i Fredrikshald og i Hokksund. Frå 1867 dreiv han forretning i Drammen. År 1871 overtok han garden Ullern i Øvre Eiker etter svigerfaren, og var sidan gardbrukar.

Ihlen var medlem av heradsstyret 1882-91, ordførar i Eiker 1884-85 og det utskilde heradet Øvre Eiker 1889-91. Han var presten sin medhjelpar frå 1874, og medlem av tilsynskomiteen for Randsfjordbana. Ihlen representerte Buskeruds amtStortinget i perioden 1889-91. Han var medlem av næringskomite nr 1.

Han døydde på garden sin i Øvre Eiker i 1901.

Kjelde[endre | endre wikiteksten]

  • Lindstøl, Tallak:Stortinget og Statsraadet 1814-1914. Kristiania, 1914