Christian Petersen
| Christian Petersen | |
| Statsborgarskap | Noreg |
| Fødd | 12. april 1858 |
| Død |
2. november 1948 (90 år) |
| Yrke | gründer |
| Språk | norsk |
Christian Petersen (12. april 1848–2. november 1948) var ein dansk-norsk fabrikkeigar og politikar, fødd i Sundeved i Sønderjylland i Danmark.
Petersen var son til ein teglverkseigar. Sjølv gjekk han i 1875-76 ein fagskule i tekstilindustri i Limbach i tyske Sachsen. Han flytta så til Bergen og grunnla i 1879 J. & C. Petersen trikotasjefabrikk på Hop i Fana, eit firma han og eit syskenbarn dreiv til 1886. Året etter vart han direktør i det nystarta aksjeselskapet Petersen & Dekkes trikotasjefabrikker i Bergen. I 1896 starta han opp ein sjølveigd kjoletøyfabrikk i Eidsvåg i Åsane, den fyrste i sitt slag i Noreg. Seinare grunnla han filialfabrikkar i Sverige.
Petersen var medlem i bystyret i Bergen 1898-1901 og 1913-16. Valperioden 1922-24 representerte han Bergen by og partiet Høgre på Stortinget, der han var medlem av Tollkomiteen.
Han var medlem i tolltariff-kommisjonane av 1903 og 1915, samt i fossefall-kommisjonen av 1911. Formann 1906-12 i Bergens Haandværks- og Industriforening.
Kjelder
[endre | endre wikiteksten]- Stortingsbiografi Arkivert 2016-08-10 ved Wayback Machine.