Christian Wallenius

Frå Wikipedia – det frie oppslagsverket
Hopp til navigering Hopp til søk
Christian Wallenius
Fødd 13. januar 1885
Lebesby
Død

15. august 1927

Yrke fiskar, politikar

Christian Ludvik Wallenius (13. januar 188515. august 1927) var ein norsk fiskar frå Skjøtningberg i Lebesby, som representerte ArbeidarpartietStortinget 1925-26.

Wallenius var son til ein fiskar i Skjøtninberg som var innvandra frå Finland. Sjølv gjekk han inn i faren sitt yrke og dreiv fiskeri frå Skjøtningberg til han døydde, frå 1909 med eiga fiskeskøyte. Periodane 1913-19 og 1922-25 var han medlem av heradsstyret i Lebesby & Kjøllefjord. Elles var han skulestyreformann i heradet 1914-15 og 1922-24, og dessutan formann i bustadnemnda i heradet 1920-24.

Hausten 1924 vart Wallenius vald til stortingsmann frå valkrinsen Finnmark. Han representerte krinsen og Det norske Arbeidarparti på Stortinget i 1925 og -26, der han var medlem i Vegkomiteen. 1927-sesjonen var han sjukmeld, og døydde same sommaren.

Kjelder[endre | endre wikiteksten]