Christopher Omsen

Frå Wikipedia – det frie oppslagsverket
(Omdirigert frå Christopher Frimann Omsen)
Hopp til navigering Hopp til søk
Christopher Omsen
Ragna Hennig-Larsen - Christopher Frimann Omsen - Eidsvoll 1814 - EM.03072 (cropped).jpg
Fødd 11. desember 1761
Bergen
Død

25. april 1829
Christiania

Yrke dommar, politikar, advokat
Christopher Omsen på Commons

Christopher Frimann Omsen (11. desember 176125. april 1829) var ein norsk høgsterettsadvokat og medlem av riksforsamlingaEidsvoll.

Omsen var fødd i Bergen, og vart i 1783 student frå Bergens katedralskule. I åra etter var han huslærar i Noreg, og deretter juridisk manuduktør i København. Han tok først dansk, og så latinsk-juridisk embetseksamen i 1791. Same året vart han prokurator i Christiania, i 1799 vart han i tillegg tollprokurør i Akershus stift.

Omsen var ein av Christiania sine to utsendingar til riksforsamlinga på Eidsvoll i 1814. Under forhandlingane førte han ei sjølvstendig linje, men låg i dei fleste spørsmål nærast sjølvstendepartiet. Omsen var 13. mai den førande for unionspartiet i diskusjonen om Eidsvollsgarantien. Argumentasjonen hans førte ikkje fram. Garantien vart vedteken, men vart sidan oppheva. Omsen var medlem av konstitusjonskomitéen, reglementskomiteen og han var 17. mai med i deputasjonen til kongen. Som medlem av konstitusjonskomiteen forfatta han kapitlet om den dømmande makt. Saman med Georg Sverdrup og Ludvig Platou gav han ut Den norske riksforsamlings forhandlinger paa Eidsvold i aaret 1814.

Omsen vart høgsterettsadvokat i 1814, i 1815 vart han oppnemnd til assessor (dommar) i Noregs Høgsterett. I eigenskap av høgsterettsassessor var han medlem av riksrettane 1821-22 og 1827. Med karakteren haud er han den einaste dommaren i Høgsterett som ikkje har hatt karakteren laud. Perioden 1818-24 var han statsrevisor.

Omsen kjøpte garden Nedre Blindern i Christiania i 1826, og døydde der tre år seinare.

Kjelder[endre | endre wikiteksten]

  • Tallak Lindstøl: Stortinget og Statsraadet 1814-1914. Kristiania, 1914
  • Gyldendals store konversasjonsleksikon, 1972