Clare Island

Clare Island Lokalt namn: Oileán Chliara
Clare Island sett frå Clew Bay
Geografi

Stad	Atlanterhavet
Koordinatar	53°48′18″N 9°59′37″WKoordinatar: 53°48′18″N 9°59′37″W
Areal	16 km²
Høgaste punkt	Clare Island (462 moh.)
Administrasjon
Land	Republikken Irland
Grevskap	Mayo
Demografi
Folketal	125

Clare Island (Oileán Chliara på irsk) er ei kupert øy ved inngangen til Clew Bay i County Mayo i Republikken Irland. Ho er kjend som heimstaden til sjørøvardronninga Grace O'Malley. I dag har øya om lag 125 innbyggjarar.

Historie[endre | endre wikiteksten]

Gjennom mellomalderen var Clare Island ein del av landområda til O' Malley-familien. Ruinane av tårnhuset til O'Malley, kalla Grace O' Malley si borg, ligg nær moloen på austenden av øya. Eit lite cisterciensarkloster nær sørkysten av øya vart grunnlagd av O'Malley-familien og inneheld O'Malley-grava, ein mogeleg gravstad for Grace O'Malley. Klosteret er kjend for det unike takmåleriet frå mellomalderen. I 1588 forliste eit skip frå den spanske armaden ved Clare Island og mannskapet vart drepen av O' Malley-familien.

Eit framtredande landemerke på øya er fyret, som vart bygd av John Denis Browne, markien av Sligo, i 1806. 29. september 1813 førte ein brann til at delar av tårnet og lanternen vart øydelagd. Tårnet vart bygd opp att i 1818. I 1834 vart fyret råka av eit lynnedslag. Det sylindriske murfyrtårnet er 118 meter høgt og 11 meter på tvers. Etter 159 år i tru teneste vart fyret i 1965 sett ut av drift og erstatta av det moderne fyret på Achillbeg sør for Achill.