Cochabamba-departementet

Cochabamba-departementet
departement
Flagg Symbol
Land	Bolivia
Hovudstad	Cochabamba
Areal	55 631,0 km²
Folketal	2 016 357 (2024)
Cochabamba-departementet 17.333333333333°S 65.5°W / -17.333333333333; -65.5
Wikimedia Commons: Cochabamba Department

Cochabamba-departementet (aymara: Quchapampa Jach’a Suyu, spansk: Departamento de Cochabamba blir uttalt [kotʃaˈβamba], quechua: Quchapampa Suyu), frå quechua qucha eller qhucha, som betyr «innsjø», pampa som betyr «slette», er eit av dei ni departementa i Bolivia. Det er kjent for å vere brødkorga i landet på grunn av det store utvalet av landbruksprodukt frå den geografiske plasseringa si. Det har eit areal på 55 631 km2. Befolkninga i folketeljinga i 2024 hadde overstige to millionar. Hovudstaden er byen Cochabamba på 2574 moh. kjent som «Byen med den evige våren» og «Hagebyen» på grunn av dei vårlege temperaturane året rundt.

Cochabamba ligg sentralt i Bolivia, og territoriet omfattar delar av den austlege bogen av Andes, dei interandinske dalane og slettelandskapet i dei tropiske områda. Ifølgje folketeljinga i 2024, er Cochabamba det tredje mest folkerike departementet i landet, etter Santa Cruz og La Paz. Med ein folketettleik på 36 innbyggjarar per km² er Cochabamba dessutan det tettast folkesette departementet i Bolivia.

Departementet vart oppretta ved dekret 23. januar 1826.

Ifølgje offisielle tal frå Bolivias nasjonale statistiske institutt var bruttonasjonalproduktet (BNP) i departementet på 5,265 milliardar amerikanske dollar i 2016. Dette svara til 15,46 % av den samla økonomien i Bolivia, som hadde eit BNP på 34,053 milliardar dollar. BNP per innbyggjar var 2749 dollar i gjennomsnitt i 2016.

Geografi

Cochabamba er det einaste av dei ni departementa i Bolivia som ikkje har ei internasjonal grense, sidan det ligg sentralt i landet. Det grensar i nord til departementet Beni, i aust til Santa Cruz, i søraust til Chuquisaca, i sør til Potosí, i sørvest til Oruro og i vest til La Paz-departementet.

Hovudstaden Cochabamba er ein del av den såkalla trekanten av dei tre største byane i Bolivia: La Paz, Cochabamba og Santa Cruz de la Sierra.

Ein stor del av territoriet er fjellendt og blir gjennomskore av Cordillera de Cochabamba, som er ein del av den austlege greina av Cordillera de Tunari og går i ei hovudsakleg nordvest–søraustleg retning. Fjellkjeda omfattar ei rekkje fjell, mellom anna Cerro Tunari, Arkupunku, Cocapata, Mazo Cruz, Yanaqaqa og Totora.

Det høgste punktet i Cochabamba-departementet er Cerro Pirhuata, som når 5060 moh. I den sentrale delen av departementet ligg det såkalla Valle Alto, der det finst ei rekkje busetnader.

I skråpninga ned frå Andes ligg Yungas-regionen. Han består av djupe og tronge dalar mellom dei høge fjelltoppane i Andes og utløparane frå den subandinske fjellkjeda, fram til det byrjande slettelandet i Amazonasbekkenet.

Hydrografi

Heile vassdragsnettet i departementet høyrer til Amazonasbassenget. Elvane på sørsida av fjellkjeda renn gjennom elvane Caine og Mizque ut i Mamoré, via Río Grande. Río Grande dannar først grense mot Chuquisaca-departementet og renn deretter inn i departementet Santa Cruz, der han gjer ein stor boge før han munnar ut i Mamoré ved grensepunktet mellom departementa Beni, Santa Cruz og Cochabamba.

Elvane på nordsida av fjellkjeda omfattar Corani, Chapare og Chimoré, som renn ut i Mamoré. Elvane Ayopaya, Cotacajes, Misicuni og Altamachi renn ut i Beni.

Det finst òg fleire innsjøar i departementet.

Urbane område

Dei mest folkerike kommunane i Cochabamba ligg i det store Cochabamba-metropolområdet, som omfattar kommunane Cochabamba, Sacaba, Quillacollo, Vinto, Tiquipaya, Colcapirhua og Sipe Sipe.

Kjelder

• Denne artikkelen bygger på «Departamento de Cochabamba» frå Wikipedia på spansk, den 2. september 2026

Bakgrunnsstoff

Commons har multimedium som gjeld: Cochabamba-departementet

• Offisiell nettstad