Colca-dalen

Frå Wikipedia – det frie oppslagsverket
(Omdirigert frå Colcadalen)
Hopp til navigering Hopp til søk
Utsyn over austre delen av Colca-dalen
Foto: Tydence Davis
Utkikksplassen Mirador Cruz del Condor
Foto: José Porras

Colca-dalen (spansk Valle del Colca) er eit dalføre, dels eit steilt gjel (canyon) omtrent 160 kilometer nordvest for byen Arequipa i Peru. Med ei djupne på mellom 1000-2000 meter, botnen ligg på ca. 2000 meter over havet og kanten er på 3000-4000 moh., er dette ein av dei djupaste canyonar i verda. Lengda er omtrent 70-100 kilometer, mellom byen Chivay lengst i aust og landsbyen Andamayo i vest.[1] Colca-dalen har samfunn som er forankra før inkatida, og landsbyar grunnlagt i spansk kolonialtid, framleis med bebuarar frå opphavlege kulturar. Den lokale folkesetnaden held oppe tradisjonane sine og held fram med dyrking i terrassane frå før inkatid.

Mellom 100 000 og 200 000 menneske vitjar Colca canyon årleg, med det er området tredje største turistmålet i landet.[2] Turistar kjem til utkikksplassen Mirador Cruz del Condor for å sjå andeskondorar, og for fotturar på eit utval av stiar. Ein kan sjå Nevado Mismi, 5597 moh., på nordsida av dalen, den mest fjerne vasskjelda til Amazonaselva.[3]

Kjelder[endre | endre wikiteksten]

Referansar
  1. Paulo, A., Gałaś, A. & Gałaś, S. Planning the Colca Canyon and the Valley of the Volcanoes National Park in South Peru. Environ Earth Sci 71, 1021–1032 (2014). https://doi.org/10.1007/s12665-013-2506-9
  2. 25 Top Tourist Attractions in Peru, Touropia.com, oppdatert 25. september 2021, henta 17. oktober 2021
  3. Colca Canyon Rough Guides, henta 17. oktober 2021

Bakgrunnsstoff[endre | endre wikiteksten]