Cork Opera House
| Cork Opera House | |||
 | |||
| Stad | Cork | ||
|---|---|---|---|
| Opna | 1855 | ||
 Cork Opera House 51°54′01″N 8°28′21″W / 51.9003°N 8.47258°W | |||
Cork Opera House er eit teater og operahus i Cork i Irland. Den fyrste bygningen opna i 1855 på Emmet Place (då kalla Nelson's Place) bak Crawford Art Gallery. Denne opphavlege bygningen blei øydelagt av brann i 1955, og det blei opna ein ny bygning i 1965. Bygget fekk ei rekkje tillegg tidleg på 2000-talet, og har no 1000 sete. I 2015 blei det vist over 100 teater-, musikk-, opera- og komedietilstellingar her.
Historie
[endre | endre wikiteksten]Den opphavlege bygningen (1855-1955)
[endre | endre wikiteksten]
Cork operahus blei opphavleg bygt på 1850-talet etter design av arkitekten John Benson.[1] Bygningen var meint å fremja vitskap, litteratur og kunst, i tillegg til å spreia arkitekturkunnskap. Han bygde på ein mal arkitekten hadde brukt til utstillingsbyggingane ved verdsutstillinga Irish Industrial Exhibition.[2]
Bygningen opna i 1855 som «The Athenaeum». Han blei omdøypt til «The Munster Hall» i 1875. Etter ei større gjenoppbygging i 1877 fekk han namnet «Opera House»,
Operahuset blei renovert etter planar av Arthur Hill i 1908.[3] Bygningen overlevde nedbrenninga av Cork av britiske styrkar i 1920, men brann opp fleire tiår seinare, i 1955. Brannen byrja om kvelden den 12. desember 1955 og var forårsaka av ein elektrisk feil og spreidde seg i tremateriale.[4][5]
Gjenoppbygging (1963-present)
[endre | endre wikiteksten]Staden blei ikkje utvikla på fleire år, før restane av den gamle bygningen blei fjerna tidleg i 1963 og ein byrja bygga eit nytt teater.[6] Det nybygde Opera House opna på tomta i 1965.[7]
Bygningen på 1960-talet blei utforma av Scott Tallon Walker,[8] og blei offisielt opna av den dåverande presidenten i Irland, Éamon de Valera, i oktober 1965.[2]
I 2000 blei det gjort store renoveringar av både fasaden av bygningen og Emmett Place.[7] Seinare blei det arbeidd med å utvikla ein ny kafé, oppdatert akustikk og sete.[7]
Drift
[endre | endre wikiteksten]Operahuset har alltid hatt for andre framføringar enn berre opera, som teater, musikk, drama, dans, komedie og andre typar framsyning.[9]
I 2015 husa Opera House 276 framføringar av 108 arrangement i hovudsalen, som har 1000 plassar.[10] Half Moon Theatre, ein mindre sal med 100 plassar bak i Opera House, hadde 77 framføringar av 29 arrangement i same periode.[10]
Kjelder
[endre | endre wikiteksten]- ↑ «1855 - Cork Opera House (The Athenaeum), Cork». Archiseek.com. Archiseek. Henta 9 September 2017.
- 1 2 «Architecture of Cork City - Opera House». Askaboutireland.ie. Henta 9. september 2017.
- ↑ «HILL, ARTHUR». Dictionary of Irish Architects. Irish Architectural Archive. Henta 2021-10-31.
- ↑ «Cork history: The fire that devastated Cork's beloved Opera House». echolive.ie. The Echo. Henta 7 October 2020.
- ↑ O´Driscol, Des (18 August 2021). «Blast from the Past: 'Cork Opera House is destroyed by fire: thousands watch huge blaze'». Irish Examiner. Henta 3 September 2024.
- ↑ «Archives - New Opera House For Cork (1963)». rte.ie. RTÉ. Henta 7. oktober 2020.
- 1 2 3 «About Us - History». corkoperahouse.ie. Cork Opera House. Henta 7. oktober 2020.
- ↑ «1965 – Cork Opera House, Cork». Archiseek.com. Archiseek. Henta 7 October 2020.
- ↑ «Cork Opera House Theatre». discoverireland.ie. Henta 7 October 2020. «Cork Opera House [..has a..] programme of events across the performing arts: concerts, comedy, drama, musicals, contemporary and classical dance, family shows, the annual Christmas pantomime, and of course, opera»
- 1 2 «Cork Opera House profits hit right note». Henta 7 October 2020.
- Denne artikkelen bygger på «Cork Opera House» frå Wikipedia på engelsk, den 22. juli 2025.
