County Durham

Frå Wikipedia – det frie oppslagsverket
Durham
Geografi
Status Seremonielt grevskap og einskapleg styresmakt
OpphavHistorisk
Region Nordaust-England
Areal 2 676 km²
Demografi
Folketal
- Totalt (2008)
- Folketettleik

508 500
190 /km²
Etnisitet 98,6 % kvite
Distrikt
  1. Durham (einskapleg)
  2. Hartlepool (einskapleg)
  3. Darlington (einskapleg)
  4. Stockton-on-Tees (einskapleg) *

* Berre ein del av kommunen nord for elva Tees er ein del av det seremonielle grevskapet Durham.

County Durham er eit seremonielt grevskap[1] og ei (mindre) einskapleg styresmakt nordaust i England. Administrasjonsbyen er Durham. Den største byen i det seremonielle grevskapet er Darlington.[2] Grevskapet har ein industribasert økonomi som historisk sett har vore basert på kol- og jerngruveindustrien.[3]

Det seremonielle grevskapet grensar til Tyne and Wear, North Yorkshire, Cumbria og Northumberland og ligg i regionen Nordaust-England.[4]

Historie[endre | endre wikiteksten]

Området som vart County Durham var opphavleg ein liberty under biskopane av Durham. Etter at normanniske invasjonen spreidde makta deira seg sakte nordover til Nord-England. På 1100-talet vart grevskapet Northumberland oppretta og Durham vart rekna som ein del av dette.[5] Biskopane kjempa derimot mot sheriffen av Northumberland om makta i Durham, men krona rekna Durham som ein del av Northumberland fram til seint på 1200-talet. På 1300-talet vart Durham igjen rekna som ein liberty direkte underlagt kongen. I røynda var det eit privat grevskap der biskopen peikte ut sin eigen sheriff.[6]

Sadberge var ein liberty, stundom kalla eit grevskap, i Northumberland som i 1189 vart kjøpt av biskopen. På det største strekte Durham seg frå Penninane i vest, elva Tees i sør, Nordsjøen i aust og elvane Tyne og Derwent i nord.[7] Grevskapet hadde òg fleire eksklavar: Bedlingtonshire, Islandshire[8] og Norhamshire[9] i Northumberland og Craikshire i North Riding of Yorkshire.

I 1888 vart grevskapa i England og Wales omstrukturerte og det meste av County Durham kom under det nye Durham grevskapsråd og vart eit administrativt grevskap. Fleire bykommunar var ikkje medrekna i grevskapet, Gateshead, South Shields og Sunderland. Statthaldaren for County Durham vart likevel utpeikt for desse bykommunane òg. Fleire endringar vart gjort utover 1900-talet, men i 1974 vart dei administrative grevskapa og bykommunane avskaffa og County Durham vart eit ikkje-metropolitansk grevskap[10] Det nye County Durham mista område i nordaust til Tyne and Wear[11][12] og i søraust til Cleveland.[11][12] Samstundes fekk det tilbake tidlegare område i Startforth Rural District frå North Riding of Yorkshire.[13]

I 1996 vart Cleveland avskaffa[14] og distrikta vart einskaplege styresmakter.[15] Hartlepool og Stockton-on-Tees (nord for elva Tees) kom tilbake til det seremonielle grevskapet Durham. I 2009 vart distriktsråda avskaffa og alle distrikta vart einskaplege styresmakter.[16]

Kjelder[endre | endre wikiteksten]

  1. Boundary Commission for England (2007). Mapping for the Non-metropoltian Counties og Unitary Authorities; fifth periodical report. Boundary Commission for England. ISBN 0101703228. 
  2. John Marius Wilson, Durham, Imperial Gazetteer of England and Wales, (1870-72).
  3. Durham County Council - History og Heritage of County Durham.
  4. North East Assembly - About North East England Arkivert 2007-12-20 ved Wayback Machine..
  5. W. L. Warren, The Myth of Norman Administrative Efficiency: The Prothero Lecture in Transactions of the Royal Historical Society, 5th Ser., Vol. 34. (1984), s. 113-132
  6. Jean Scammell, The Origin and Limitations of the Liberty of Durham in The English Historical Review, Vol. 81, No. 320. (Jul., 1966), s. 449-473.
  7. Vision of Britain - Durham historic boundaries[daud lenkje].
  8. Vision of Britain - Islandshire Arkivert 2011-04-29 ved Wayback Machine. (historic map[daud lenkje]).
  9. Vision of Britain - Norhamshire Arkivert 2011-04-29 ved Wayback Machine. (historic map[daud lenkje]).
  10. Office for National Statistics (1999). Gazetteer of the old og new geographies of the United Kingdom. Office for National Statistics. ISBN 1-85774-298-2. 
  11. 11,0 11,1 Arnold-Baker, C., Local Government Act 1972, (1973)
  12. 12,0 12,1 Young, F. (1991). Guide to Local Administrative Units of England: Northern England. Royal Historical Society. ISBN 0861931270. 
  13. Durham County Council - About Us: Council Logo.
  14. OPSI - Cleveland (Structural Change) Order 1995
  15. OPSI - Cleveland (Further Provision) Order 1995.
  16. County Durham (Structural Change) Order 2008

Bakgrunnsstoff[endre | endre wikiteksten]