Dónal Lunny

	Dónal Lunny
	;
Statsborgarskap	Irland
Fødd	10. mars 1947 (77 år); Tullamore
Yrke	komponist, musikar, platebransjeleiar, gitarist, musikkprodusent, songar
Språk	engelsk
Medlem av	Aosdána
Partnar	Sinéad O'Connor
	Dónal Lunny på Commons

Dónal Lunny (fødd 10. august 1947) er ein irsk folkemusikar. Han er rekna som ein av dei viktigaste føregangsfigurane i utviklinga av irsk folkemusikk.

Bakgrunn[endre | endre wikiteksten]

Dónal Lunny vart fødd i Tullamore i County Offaly, og flytta deretter til Newbridge i County Kildare. Han starta karrieren sin som musikar gjennom eit samarbeid med songaren Christy Moore. I 1972 danna Lunny og Moore bandet Planxty, som vart eit stilskapande band innan sjangeren irsk folkemusikk gjennom dei ti følgjande åra.

Lunny forlét Planxty i 1974 og danna The Bothy Band, der han spelte gitar og bouzouki. The Bothy Band vart oppløyst i 1978, men er framleis rekna som eit av dei mest banebrytande banda innan irsk folkemusikk.

Lunny og Christy Moore tok opp igjen samarbeidet i 1981, og danna Moving Hearts saman med uilleann pipe-spelaren Davy Spillane.

Lunny har delteke i fleire prosjekt dei siste åra, blant anna eit soloalbum med tittelen "Donal Lunny" (Gael-Linn 1987), eit anna soloprosjekt med tittelen "Coolfin" (1998), og seinast eit fleirkulturelt prosjekt med namnet Mozaik, med Bruce Molsky, Nikola Parov, Rens van der Zalm, og tidlegare Bothy Band-medlem Andy Irvine.

Irsk bouzouki[endre | endre wikiteksten]

Dónal Lunny og Andy Irvine har vore sentrale i å gjere strengeinstrumentet bouzouki utbreidd i irsk folkemusikk, etter at det vart introdusert av Johnny Moynihan. Lunny fekk den engelske instrumentmakaren Peter Abnett til å byggje ein bouzouki med flat botn i staden for den tradisjonelle runde botnen til den greske bouzoukien.

I dag er irsk bouzouki blitt eit vanleg instrument i irske folkemusikkgrupper. Prosessen kan samanliknast med introduksjonen av mandolaen i den nordiske folkemusikken av den svenske folkemusikaren Ale Möller.

Diskografi[endre | endre wikiteksten]

Soloalbum[endre | endre wikiteksten]

Coolfin, Donal Lunny – 1998

Med Christy Moore[endre | endre wikiteksten]

Prosperous – 1972
Christy Moore – 1976
Whatever Tickles Your Fancy – 1976
Live in Dublin – Christy Moore, Donal Lunny & Jimmy Faulkner – 1978
AntiNuclear, Christy Moore, tracks: "People Will Die", Barry Moore and "Trip to Cransore", Early Grave Band – 1979
Ninety Miles from Dublin, The Rights of Man, Repeal the Union – 1980
H-Block, Christy Moore, Donal Lunny, Matt Molloy, Declan Sinnott, a.o. – 1980
Christy Moore and Friends – Christy Moore e.o. – 1981
The Time Has Come – 1983
Ride On – 1984
The Spirit of Freedom – 1985
Ordinary Man – 1985
Unfinished Revolution – 1987
Christy Moore
Voyage