DS «Jonas Lie»
![](http://nn.wikipedia.org/wiki/Fil:Mannskap_og_passasjerer_på_"Jonas_Lie"_-_no-nb_digifoto_20151214_00171_blds_07582.jpg) Mannskap og passasjerar på «Jonas Lie» | |
| Karriere |  Noreg |
|---|---|
| Namn: | DS «Jonas Lie» |
| Eigar: | Wollert Konow m.fl. |
| Verft: | Bergen mek. verksted i Bergen |
| Verftsnummer: | 33 |
| Jomfrutur: | Juni 1875 |
| Heimehamn: | Bergen |
| Kjennemerke: | JQLW |
| Lagnad: | Opphogd 1927 |
| Generelle mål | |
| Tonnasje: | 614 brt, 366 nrt |
| Daudvekt: | 500 |
| Lengd: | 50,7 m |
| Breidd: | 7,6 m |
| Djupgang: | 6,2 m |
| Installert effekt : | 83 nHk |
| Framdrift: | 2cyl. Comp. (BMV) |
| Fart: | 9 knop |
| Karriere | Noreg |
| Eigar: | Døscher & Co |
| Kjøpt: | 1877 |
| Heimehamn: | Bergen |
| Karriere | Noreg |
| Eigar: | Det Bergensk-Nordlandske Dampskibsselskab |
| Kjøpt: | 1878 |
| Heimehamn: | Bergen |
| Karriere | Noreg |
| Eigar: | Det Bergenske Dampskibsselskab |
| Overtatt: | 1884 for 165 000 kroner[1] |
| Heimehamn: | Bergen |
| Generelle mål etter hovudreparasjon i 1902 | |
| Tonnasje: | 619 brt, 379 nrt |
| Framdrift: | Comp. (BMV) |
| Karriere |  Polen |
| Namn: | «Danzig» |
| Eigar: | Nord Ostzee Rederei |
| Kjøpt: | 1922 |
| Heimehamn: | Danzig |
| Karriere | Polen |
| Namn: | «Warta» |
| Eigar: | Sarmacaja SS Co. Ltd |
| Kjøpt: | 1923 |
| Heimehamn: | Danzig |
| Lagnad: | opphogd 1927 |
DS «Jonas Lie» (kallesignal JQLW) var eit dampskip bygt i 1875 som eit passasjer- og lasteskip for Wollert Konow Ltd. og Krohn-linjen. Skipet vart bygt for fart mellom Bergen og Tromsø.
I 1906 var det lugarplass til 21 passasjerar på 1. plass og 18 passasjerar på 2. plass.
Historie
[endre | endre wikiteksten]I 1871 overtok ei rekkje kjøpmenn og andre parthavarar DS «Michael Krohn» i Bergen, som vart sett inn i fart mellom Bergen og Nord-Noreg. Det første året gav dette eigarane eit utbytte på 30 %, og dei sette derfor i gang med å få bygt eit nytt skip. DS «Præsident Christie» vart bygt i 1872 og året etter kom «Jonas Lie». Samstundes hadde Arent Schønings Sønner starta fart i same ruta med DS «John Schøning». Då sildeboomen var over i 1878 kom det til eit fast samarbeid mellom Schøning og Krohn-linjen, som i lag skipa eit nytt selskap, Det Bergensk-Nordlandske Dampskibsselskab. I 1883 hamna både «Michael Krohn» og «John Schøning» i alvorlege havari. Begge skipa vart berga, men selskapet hama i så store økonomiske problem at dei byrja å forhandle med Det Bergenske Dampskibsselskab om ei overtaking. Sidan Bergenske samarbeidde tett med Det Nordenfjeldske Dampskibsselskab på denne tida, var det naturleg å ta dei med i forhandlingane. Ved loddtrekning fekk Bergenske overta «Jonas Lie» i april 1884 for 165 000 kroner.[1] Dei fekk òg eit anna skip, «Johan Schøning», medan Nordenfjeldske tok over to andre skip.
I 1899 fekk skiet ny donkeykjel og mannskapsseksjonen vart utbetra. I 1902 vart det utført ein større reparasjon ved verftet til Bergenske på Lakesvågsneset. Det fekk då ny innreiing, ny stocklessanker og ny compoundmotor. Ein annan, ny donkeykjel vart sett inn i 1913 og i 1915 vart skipet ombygd til eit reint lasteskip.
I 1922 vart skipet selt til Nord Ostsee Rederei i Danzig og det fekk namnet «Danzig». Alt året etter vart det selt vidare til Sarmacja i Danzig og det vart omdøypt «Warta». Skipet vart opphogd i første kvartalet i 1927.
Kjelder
[endre | endre wikiteksten]- Dag Bakka jr. og Per Alsaker (1988). «Det Bergenske Dampskipselskap - del 1». Skipet. Nr. 1 (Rådal: Skipet). Volum 14: 6. Henta 5. mai 2019.
- 1 2 «D/S John Schnøning». Sjøhistorie.no. Henta 5. mai 2019.