Dale skipreide i Sunnfjord
- Må ikkje forvekslast med Dale skipreide på Sunnmøre eller Luster skipreide i Sogn som tidlegast òg heitte Dale skipreide.
Dale skipreide var ei av fem (seinare seks) skipreider i Sunnfjord,[1] Omkring 1700 vart ho delt i to: Indre Dale skipreide og Ytre Dale skipreide.
- Indre Dale omfatta Sande sokn, Bygstad sokn og Vik sokn, tilsvarande noverande Gaular kommune.
- Ytre Dale omfatta Dale sokn, Holmedal sokn og Guddal sokn, tilsvarande noverande Fjaler kommune (unnateke krinsane Folkestad, Fure og Våge) og ein del av Askvoll kommune (krinsane Vårdal, Holmedal/Bakke og Rivedal).
På Vestlandet vart skipreidene avløyste av tinglag i begynninga av 1800-talet. Indre Dale skifta namn til Indre Holmedal 1890, og 1911 vart namnet endra til Gaular tinglag[2]. Ytre Dale skifta 1890 namn til Ytre Holmedal, og 1912 vart namnet Fjaler tinglag.[3]